Qazaqstan Respýblikasy Syrtqy ister ministriniń orynbasary Erlan Álimbaev bizdiń eldegi diplomatiialyq missiiasynyń aiaqtalýyna bailanysty Kanada elshisi Nikolia Brýssony qabyldady, dep habarlaidy "Ult aqparat".
Kezdesý barysynda suhbattasýshylar Qazaqstan men Kanada arasyndaǵy saýda-ekonomikalyq ózara is-qimyldyń mańyzdy salalary - aýyl sharýashylyǵy jáne jer qoinaýyn paidalaný, akademiialyq almasý, sondai-aq KazAid jáne CIDA eki eldiń halyqaralyq damý agenttikteri arasyndaǵy yntymaqtastyqty atap ótti.
Taraptar 2021 jylǵy naýryzda eki eldiń syrtqy saiasi vedomstvolary basshylarynyń orynbasarlary deńgeiindegi saiasi konsýltatsiianyń tabysty ótkenine toqtaldy.
Osy turǵyda elshiniń ekijaqty saiasi, saýda-ekonomikalyq jáne mádeni-gýmanitarlyq qatynastardy damytýǵa qosqan eleýli úlesi atap ótildi.
N.Brýsso Kanadanyń Qazaqstandaǵy elshisi qyzmetinde tórt jyl qyzmet atqardy, osy jyldar ishinde kóptegen salalarda ekijaqty bailanys nyǵaidy.
Kanada Qazaqstannyń 10 iri sheteldik investorynyń qataryna ene otyryp, búgingi kúnge deiin 6 mlrd AQSh doll. astam kólemde elimizge investitsiia saldy.
N.Brýssonyń ekijaqty bailanystardy damytýǵa qosqan jeke úlesin eskere otyryp, kanadalyq diplomatqa QR Prezidentiniń Alǵys haty tabys etildi.
