© Photo: Prodiýserskii tsentr/vi_project_kz_
Uiymdastyrýshylar "Kamyziaki" ujymynyń kontsertteri ótpeitinin málimdedi, - dep habarlaidy Massaget.kz tilshisi.
"Almaty Arena" kópfýnktsionaldy muz kesheni Instagram-paraqshasynda kontsert biletteri qalai qaitarylatynyn jazdy.
"Kamyziaki" ujymy ártisteriniń kópshilik aldynda jasaǵan áreketine jurtshylyqtyń teris keri bailanysyn eskere otyryp, uiymdastyrýshylar "Kamyziaki" komandasynyń Qazaqstan boiynsha jeke kontsertterin tolyq toqtatý týraly sheshim qabyldady. Biletterdi qaitarý máselesi boiynsha:
- Eger biletterdi kassadan satyp alǵan bolsańyz, onda kassaǵa fiskaldy chekpen barýyńyz kerek.
- Eger biletti almaty-arena.kz saitynan onlain satyp alsańyz, tickets@almaty-arena.kz poshtasyna jazýyńyz kerek, tapsyrys nómirin, kúnin, ataýyn kórsetip, bilettiń ózin qosa tirkeý qajet.
- Eger biletti Arena saitynda emes, basqa bilet operatorynan satyp alsańyz, onda osy bilet operatoryna habarlasýyńyz kerek", - delingen habarlamada.
Aita keteiik, buǵan deiin qazaqstandyqtar ázilkesh Azamat Musaǵaliev jáne onyń "Kamyziaki" komandasyn elge kirgizbeýdi talap etken edi. Jelide "Kamyziaki" komandasynyń Qazaqstandaǵy kontsertterin toqtatýdy talap etken petitsiia jariialandy. Kontsertter 5 qazanda Almatyda, 7 qazanda Astanada ótedi dep josparlanǵan.
Al buǵan tanymal ázilkeshter Azamat Musaǵaliev pen Denis Dorohovtyń Saýr-Mogila memorialdyq kesheninde, Donbassty azat etýdiń 80 jyldyǵyna arnalǵan úlken kontsertte óner kórsetýi sebep bolǵan edi.
Jeli qoldanýshylary soǵysty qoldaityn Azamat Musaǵalievtiń bul áreketin synap tastady.
