Qyrkúiek aiynda ótken keń aýqymdy "Stop-trafik" operatsiiasy barysynda politseiler jezókshelikpen ainalysýǵa arnalǵan 20-dan asa pritondy anyqtady, - dep habarlaidy Polisia.kz.
Vedomstvo málimetinshe, bireýi qanaý maqsatynda adam urlaý deregi boiynsha, adam saýdasy boiynsha - úsheý, jezókshelikpen ainalysýǵa tartý deregi - tórteý, onyń ishinde eki kámeletke tolmaǵandy jezókshelikke tartý deregi de bar, sonymen qatar kámeletke tolmaǵandardy satýdyń bes deregi tirkelgen.
Osylaisha, jezókshelikpen ainalysýǵa jáne jeńgetailyqqa arnalǵan pritondardy uiymdastyrýdyń nemese ustaýdyń 28 deregi anyqtalǵan. Budan bólek, jezókshelikpen ainalysýǵa jáne jeńgetailyqqa ádeii úi-jailar bergeni úshin 20 ákimshilik quqyqbuzýshylyq jáne intimdik qyzmet pen qaiyr suraýǵa bailanysty 294 ákimshilik quqyqbuzýshylyq deregi tirkelgen.
Shymkent PD politsiia qyzmetkerleri quramynda 11 adam bar uiymdasqan toptyń jolyn kesken. Olar uzaq ýaqyt boiy Shymkent, Taraz jáne Túrkistan qalalarynyń aýmaǵynda jynystyq paidalaný maqsatynda adam satýmen, onyń ishinde kámeletke tolmaǵandar saýdasymen ainalysqan.
Jas qyzdardy Qazaqstannyń túrli qalalarynan "VKontakte" áleýmettik jelisi arqyly jumysqa qabyldaǵany, onda jaqsy eńbek jaǵdaiyn, joǵary aqy tólenetin jumys usynǵandary anyqtalǵan. Keiin aldaý jáne senimge qiianat jasaý, qujattardy alyp qoiý arqyly jezókshelikpen ainalysýǵa tartylǵan, sonymen qatar, qalanyń jaldamaly páterlerinde, saýnalarynda jáne qonaqúilerinde odan ári paidalaný úshin olardy satý jáne almasý júrgizilgen, alynǵan tabysty ózderi iemdenip otyrǵan.
Tyńdamaǵan jaǵdaida zorlyq-zombylyq kórsetken, bopsalap, oidan shyǵarǵan aiyppuldar salǵan, esirtki (mefedron) qoldanýǵa májbúrlegen.
Bul derek boiynsha uiymdasqan top qurý jáne oǵan basshylyq etý, sol siiaqty oǵan qatysý, adam saýdasy, kámeletke tolmaǵan adamdy jezókshelikpen ainalysýǵa tartý, priton qurý, jeńgetailyq baptary boiynsha sotaldy tergep-tekserý júrgizilip jatyr. Kúdiktiler ustalyp, qamaýǵa alynǵan.
Sondai-aq, Mańǵystaý oblysynda kúsh qoldaný arqyly 30 jastaǵy qyzdy jynystyq qanaý maqsatynda urlap ketken 43 jastaǵy er adam ustalǵan. QR Qylmystyq kodeksiniń 125-baby 3-bóliginiń 2-tarmaǵy ("Adamdy qanaý maqsatynda urlaý") boiynsha sotaldy tergeý bastalǵan.
Al Abai oblysynda 32 jastaǵy áiel ustalǵan. Ol úsh apta boiy aldaý jolymen 17 jastaǵy balany jezókshelikpen ainalysýǵa tartyp, tabysyn ózi alǵan. Bul derek QR Qylmystyq kodeksiniń 134-babynyń 1-bóligi ("Jezókshelikpen ainalysýǵa tartý") boiynsha SDTBT-de tirkelgen, bul iske qatysty tergeý júrgiziletini belgili boldy.
Qostanai oblysynyń qyzmetkerleri jezókshelikpen jáne jeńgetailyqpen ainalysý úshin salonnyń jalǵa alynǵan úi-jaiyn usynǵan massaj salonynyń ákimshisin ustaǵan.
Bul derekke qatysty Ákimshilik quqyq buzýshylyq týraly kodekstiń 450-baby 1-bóligi ("Kórineý jezókshelikpen ainalysý nemese jeńgetailyq úshin úi-jai berý") boiynsha ákimshilik hattama toltyrylǵan.
