قىركٷيەك ايىندا ٶتكەن كەڭ اۋقىمدى "Stop-ترافيك" وپەراتسيياسى بارىسىندا پوليتسەيلەر جەزٶكشەلٸكپەن اينالىسۋعا ارنالعان 20-دان اسا پريتوندى انىقتادى, - دەپ حابارلايدى Polisia.kz.
ۆەدومستۆو مەلٸمەتٸنشە, بٸرەۋٸ قاناۋ ماقساتىندا ادام ۇرلاۋ دەرەگٸ بويىنشا, ادام ساۋداسى بويىنشا - ٷشەۋ, جەزٶكشەلٸكپەن اينالىسۋعا تارتۋ دەرەگٸ - تٶرتەۋ, ونىڭ ٸشٸندە ەكٸ كەمەلەتكە تولماعاندى جەزٶكشەلٸككە تارتۋ دەرەگٸ دە بار, سونىمەن قاتار كەمەلەتكە تولماعانداردى ساتۋدىڭ بەس دەرەگٸ تٸركەلگەن.
وسىلايشا, جەزٶكشەلٸكپەن اينالىسۋعا جەنە جەڭگەتايلىققا ارنالعان پريتونداردى ۇيىمداستىرۋدىڭ نەمەسە ۇستاۋدىڭ 28 دەرەگٸ انىقتالعان. بۇدان بٶلەك, جەزٶكشەلٸكپەن اينالىسۋعا جەنە جەڭگەتايلىققا ەدەيٸ ٷي-جايلار بەرگەنٸ ٷشٸن 20 ەكٸمشٸلٸك قۇقىقبۇزۋشىلىق جەنە ينتيمدٸك قىزمەت پەن قايىر سۇراۋعا بايلانىستى 294 ەكٸمشٸلٸك قۇقىقبۇزۋشىلىق دەرەگٸ تٸركەلگەن.
شىمكەنت پد پوليتسييا قىزمەتكەرلەرٸ قۇرامىندا 11 ادام بار ۇيىمداسقان توپتىڭ جولىن كەسكەن. ولار ۇزاق ۋاقىت بويى شىمكەنت, تاراز جەنە تٷركٸستان قالالارىنىڭ اۋماعىندا جىنىستىق پايدالانۋ ماقساتىندا ادام ساتۋمەن, ونىڭ ٸشٸندە كەمەلەتكە تولماعاندار ساۋداسىمەن اينالىسقان.
جاس قىزداردى قازاقستاننىڭ تٷرلٸ قالالارىنان "ۆكونتاكتە" ەلەۋمەتتٸك جەلٸسٸ ارقىلى جۇمىسقا قابىلداعانى, وندا جاقسى ەڭبەك جاعدايىن, جوعارى اقى تٶلەنەتٸن جۇمىس ۇسىنعاندارى انىقتالعان. كەيٸن الداۋ جەنە سەنٸمگە قييانات جاساۋ, قۇجاتتاردى الىپ قويۋ ارقىلى جەزٶكشەلٸكپەن اينالىسۋعا تارتىلعان, سونىمەن قاتار, قالانىڭ جالدامالى پەتەرلەرٸندە, ساۋنالارىندا جەنە قوناقٷيلەرٸندە ودان ەرٸ پايدالانۋ ٷشٸن ولاردى ساتۋ جەنە الماسۋ جٷرگٸزٸلگەن, الىنعان تابىستى ٶزدەرٸ يەمدەنٸپ وتىرعان.
تىڭداماعان جاعدايدا زورلىق-زومبىلىق كٶرسەتكەن, بوپسالاپ, ويدان شىعارعان ايىپپۇلدار سالعان, ەسٸرتكٸ (مەفەدرون) قولدانۋعا مەجبٷرلەگەن.
بۇل دەرەك بويىنشا ۇيىمداسقان توپ قۇرۋ جەنە وعان باسشىلىق ەتۋ, سول سيياقتى وعان قاتىسۋ, ادام ساۋداسى, كەمەلەتكە تولماعان ادامدى جەزٶكشەلٸكپەن اينالىسۋعا تارتۋ, پريتون قۇرۋ, جەڭگەتايلىق باپتارى بويىنشا سوتالدى تەرگەپ-تەكسەرۋ جٷرگٸزٸلٸپ جاتىر. كٷدٸكتٸلەر ۇستالىپ, قاماۋعا الىنعان.
سونداي-اق, ماڭعىستاۋ وبلىسىندا كٷش قولدانۋ ارقىلى 30 جاستاعى قىزدى جىنىستىق قاناۋ ماقساتىندا ۇرلاپ كەتكەن 43 جاستاعى ەر ادام ۇستالعان. قر قىلمىستىق كودەكسٸنٸڭ 125-بابى 3-بٶلٸگٸنٸڭ 2-تارماعى ("ادامدى قاناۋ ماقساتىندا ۇرلاۋ") بويىنشا سوتالدى تەرگەۋ باستالعان.
ال اباي وبلىسىندا 32 جاستاعى ەيەل ۇستالعان. ول ٷش اپتا بويى الداۋ جولىمەن 17 جاستاعى بالانى جەزٶكشەلٸكپەن اينالىسۋعا تارتىپ, تابىسىن ٶزٸ العان. بۇل دەرەك قر قىلمىستىق كودەكسٸنٸڭ 134-بابىنىڭ 1-بٶلٸگٸ ("جەزٶكشەلٸكپەن اينالىسۋعا تارتۋ") بويىنشا سدتبت-دە تٸركەلگەن, بۇل ٸسكە قاتىستى تەرگەۋ جٷرگٸزٸلەتٸنٸ بەلگٸلٸ بولدى.
قوستاناي وبلىسىنىڭ قىزمەتكەرلەرٸ جەزٶكشەلٸكپەن جەنە جەڭگەتايلىقپەن اينالىسۋ ٷشٸن سالوننىڭ جالعا الىنعان ٷي-جايىن ۇسىنعان ماسساج سالونىنىڭ ەكٸمشٸسٸن ۇستاعان.
بۇل دەرەككە قاتىستى ەكٸمشٸلٸك قۇقىق بۇزۋشىلىق تۋرالى كودەكستٸڭ 450-بابى 1-بٶلٸگٸ ("كٶرٸنەۋ جەزٶكشەلٸكپەن اينالىسۋ نەمەسە جەڭگەتايلىق ٷشٸن ٷي-جاي بەرۋ") بويىنشا ەكٸمشٸلٸك حاتتاما تولتىرىلعان.
