Kámelet jasqa tolmaǵan qyzben jynystyq qatynasqa túsip, oǵan AITV juqtyrǵan aqtóbelik sottaldy, dep habarlaidy "Ult aqparat".
Aqtóbe oblystyq qylmystyq ister jónindegi aýdanaralyq sotynda sottalýshy B-ǵa qatysty sot úkimi shyqty. Is materialyna súiensek, sottalýshy 2018-2020 jyldar aralyǵynda 2003 jyly týǵan qyzben jynystyq qatynasqa túsken. Sottalýshy óziniń AITV juqpasyna shaldyqqanyn bile tura dertti qasaqana juqtyrǵany sot otyrysy kezinde dáleldendi. Aqtóbe oblystyq soty baspasóz qyzmetiniń habarlaýynsha, sottalýshy óz kinásin moiyndady. Sot-meditsinalyq saraptama kezinde taǵylǵan aiyp dáleldendi.
«Sot otyrysy kezinde memlekettik aiyptaýshy Qylmystyq kodekstiń 118-baby 3-tarmaǵy, 122-baby 3-tarmaǵy boiynsha aiypty dep tanyp, 15 jylǵa bas bostandyǵynan aiyrýdy surady. Sot sottalýshynyń óz kinásin moiyndaǵanyn eskerdi. Sot úkimimen B. aiypty dep tanylyp, oǵan 14 jylǵa bas bostandyǵynan aiyrý jazasy taǵaiyndaldy. Sottalýshy maskúnemdikten májbúrli túrde emdeledi. Sot úkimi zańdy kúshine engen joq», - dedi oblystyq sottyń baspasóz qyzmeti.
