كەمەلەت جاسقا تولماعان قىزبەن جىنىستىق قاتىناسقا تٷسٸپ, وعان ايتۆ جۇقتىرعان اقتٶبەلٸك سوتتالدى, دەپ حابارلايدى "ۇلت اقپارات".
اقتٶبە وبلىستىق قىلمىستىق ٸستەر جٶنٸندەگٸ اۋدانارالىق سوتىندا سوتتالۋشى ب-عا قاتىستى سوت ٷكٸمٸ شىقتى. ٸس ماتەريالىنا سٷيەنسەك, سوتتالۋشى 2018-2020 جىلدار ارالىعىندا 2003 جىلى تۋعان قىزبەن جىنىستىق قاتىناسقا تٷسكەن. سوتتالۋشى ٶزٸنٸڭ ايتۆ جۇقپاسىنا شالدىققانىن بٸلە تۇرا دەرتتٸ قاساقانا جۇقتىرعانى سوت وتىرىسى كەزٸندە دەلەلدەندٸ. اقتٶبە وبلىستىق سوتى باسپاسٶز قىزمەتٸنٸڭ حابارلاۋىنشا, سوتتالۋشى ٶز كٸنەسٸن مويىندادى. سوت-مەديتسينالىق ساراپتاما كەزٸندە تاعىلعان ايىپ دەلەلدەندٸ.
«سوت وتىرىسى كەزٸندە مەملەكەتتٸك ايىپتاۋشى قىلمىستىق كودەكستٸڭ 118-بابى 3-تارماعى, 122-بابى 3-تارماعى بويىنشا ايىپتى دەپ تانىپ, 15 جىلعا باس بوستاندىعىنان ايىرۋدى سۇرادى. سوت سوتتالۋشىنىڭ ٶز كٸنەسٸن مويىنداعانىن ەسكەردٸ. سوت ٷكٸمٸمەن ب. ايىپتى دەپ تانىلىپ, وعان 14 جىلعا باس بوستاندىعىنان ايىرۋ جازاسى تاعايىندالدى. سوتتالۋشى ماسكٷنەمدٸكتەن مەجبٷرلٸ تٷردە ەمدەلەدٸ. سوت ٷكٸمٸ زاڭدى كٷشٸنە ەنگەن جوق», - دەدٸ وبلىستىق سوتتىڭ باسپاسٶز قىزمەتٸ.
