Astanada kámeletke tolmaǵan qyzdy zorlaǵan avtobýs júrgizýshisi 17 jylǵa sottaldy, - dep habarlaidy Massaget.kz agenttigi qalalyq sottyń baspasóz qyzmetine silteme jasap.
Úkimdi 3 qarashada Astananyń qylmystyq ister jónindegi mamandandyrylǵan aýdanaralyq soty shyǵardy.
"№1 avtopark júrgizýshisi A. avtobýs salonynda dármensiz jaǵdaiyn paidalanyp, kámeletke tolmaǵan jábirlenýshi K.-ni zorlaǵan.
A.-nyń kinási kámeletke tolmaǵan jábirlenýshi K.-niń sotaldy is júrgizýdegi turaqty jaýaptarymen, jaýaptaryn saqtaýymen, sotta bergen jaýaptarymen; jábirlenýshiniń ótirik aitýǵa jáne qiialdaýǵa beiim emestigin kórsetetin sarapshy psihiatr-psihologtardyń qorytyndysymen; K.-niń zańdy ókiliniń jaýaptarymen; saraptama qorytyndysy, uialy telefon arqyly kýágermen hat almasý, kýálardyń aiǵaqtarymen dáleldendi", - delingen habarlamada.
Sot aiyptalýshynyń qylmystyq jaýapkershiligi men jazasyn jeńildetetin jáne aýyrlatatyn mán-jailardy kórmedi.
Qylmystyq kodekstiń 120-baby 3-1-bóligi 1-tarmaǵynyń sanktsiiasy belgili bir laýazymdardy atqarý nemese belgili bir qyzmetpen ainalysý quqyǵynan ómir boiyna aiyra otyryp, 15 jyldan 17 jylǵa deiingi merzimge bas bostandyǵynan aiyrý túrindegi jazany qarastyrady.
Er adam osy bap boiynsha eń aýyr jazaǵa - 17 jylǵa bas bostandyǵynan aiyrý, kámeletke tolmaǵandarmen jumys isteýge bailanysty pedagogikalyq jáne ózge de qyzmetpen ainalyspaý, qylmystyq-atqarý júiesiniń eń joǵary qaýipsizdiktegi mekemelerinde jazasyn óteý jazasy taǵaiyndaldy.
Sottyń úkimi zańdy kúshine engen joq.
