Qamaýda otyrǵan Qairat Boranbaevtyń týysy A. Boranbaev Qarjylyq monitoring agenttiginiń jekelegen qyzmetkerlerine para bergen, dep habarlaidy QMA baspasóz qyzmeti.
"Jeke qaýipsizdik departamenti júrgizgen jedel is-sharanyń nátijesinde agenttiktiń jekelegen qyzmetkerleriniń sybailas jemqorlyq quqyq buzýshylyq jasaý faktisi anyqtaldy.
Máselen, tergeýmen qamaýǵa alynǵan Q.S. Boranbaevtyń týysy – A.T. Boranbaevtyń jedel bólimshelerdiń jekelegen qyzmetkerlerine zańsyz syiaqy berý faktisi áshkerelendi.
Sot A.T. Boranbaevqa jáne eki qyzmetkerge qatysty QMA ótinishi boiynsha qamaýda ustaý túrindegi bultartpaý sharasyna sanktsiia berdi" - delingen habarlamada.
Qazirgi ýaqytta agenttiktiń jeke qaýipsizdik departamenti sotqa deiingi tergep-tekserýdi júrgizip jatyr. Qylmystyq-protsestik kodekstiń 201-babynyń talaptaryna sáikes, ózge aqparat jariia etýge jatpaidy.
