Qaraǵandy oblysynyń Saran qalasynda KamaTyresKZ shinalar shyǵaratyn zaýyttyń qurylysy aiaqtaldy. 2021 jyldyń sáýirinde bastalǵan qurylys merzimi jaǵynan rekordtyq jyldamdyqpen salynyp, 36 aidyń ishinde turǵyzyldy.
"Qazaqstanda buryn sońdy bolmaǵan eń úlken kásiporyn ashylyp jatyr. Bul jerde biz jeńil kólikterge jáne júk kólikterine arnalǵan shina shyǵaratyn bolamyz. Iaǵni, basynan bastap rezinadan daiyn shinaǵa deiin óndiremiz. Osy jyly bir million jiyrma myń shina shyǵarýǵa daiynbyz. Qazirgi ýaqytta iske qosý jumystary aiaqtaldy. Bul jerde turaqty jumys oryndary bar. Qyzmetkerlerge barlyq jaǵdai jasalǵan. Qansha zaýyttarda jumys istedik, dál osy jerdegidei jumysshylarǵa jaǵdai jasaǵan kásiporyndy kórgen joqpyn. Mundai zaýyt Qazaqstanda eń birinshi dep aitýǵa bolady.
Kásiporynda ai saiyn 37 myń shina shyǵarý jospary tur. Qazir josparǵa sai jumys júrgizilip jatyr. Osy jyly millionnan astam shina daiyndaimyz dep josparlap otyrmyz", - deidi KamaTyresKZ shina zaýytynyń komponentter qurastyrý tsehynyń basshysy Saian Qýanyshbekov.
Zaýytta qazirdiń ózinde 528 adam jumys isteidi. Onyń 514-i Qazaqstan azamatty bolsa, qalǵan 14-i maman shetelden tartylǵan.
"Qaraǵandy oblysy boiynsha on shaqty seriktes qalalardaǵy jumysshylarǵa arnalǵan arnaiy tasymaldaý qyzmeti bar. Iaǵni, jumysshylardy avtobýspen úilerinen alyp ketedi. Sonymen qatar tamaqtandyrý jaǵynan jeńildikter qarastyrylǵan. Jeńildik kartasy arqyly túski asty tegin ishýge bolady. Kásiporyn tarapynan meditsinalyq saqtandyrý, áleýmettik paket barlyǵy qamtamasyz etilip otyr. Zaýyt ishinde statsionarlyq ambýlatoriialyq pýnkt jumys isteidi. Eger jumysshyǵa qandai da bir meditsinalyq kómek kerek bolsa birden sol jerge bara alady. Bizdiń endigi josparymyz osy jerde tabandy eńbek etip, otbasymyzdy qamtamasyz etip, jumys barysynda satylap ósýdi kózdep otyrmyz, - deidi Saian Qýanyshbekov.
Zaýyt tolyq qýatqa shyqqan kezde 1125 jumys orny ashylady. Sonymen qatar kásiporyn ákimdikpen birlesip kórshi qalalardan keletin qyzmetkerlerdi turǵyn úimen qamtamasyz etý boiynsha jumys júrgizýde.
