قاراعاندى وبلىسىنىڭ ساران قالاسىندا KamaTyresKZ شينالار شىعاراتىن زاۋىتتىڭ قۇرىلىسى اياقتالدى. 2021 جىلدىڭ سەۋٸرٸندە باستالعان قۇرىلىس مەرزٸمٸ جاعىنان رەكوردتىق جىلدامدىقپەن سالىنىپ, 36 ايدىڭ ٸشٸندە تۇرعىزىلدى.
"قازاقستاندا بۇرىن سوڭدى بولماعان ەڭ ٷلكەن كەسٸپورىن اشىلىپ جاتىر. بۇل جەردە بٸز جەڭٸل كٶلٸكتەرگە جەنە جٷك كٶلٸكتەرٸنە ارنالعان شينا شىعاراتىن بولامىز. ياعني, باسىنان باستاپ رەزينادان دايىن شيناعا دەيٸن ٶندٸرەمٸز. وسى جىلى بٸر ميلليون جيىرما مىڭ شينا شىعارۋعا دايىنبىز. قازٸرگٸ ۋاقىتتا ٸسكە قوسۋ جۇمىستارى اياقتالدى. بۇل جەردە تۇراقتى جۇمىس ورىندارى بار. قىزمەتكەرلەرگە بارلىق جاعداي جاسالعان. قانشا زاۋىتتاردا جۇمىس ٸستەدٸك, دەل وسى جەردەگٸدەي جۇمىسشىلارعا جاعداي جاساعان كەسٸپورىندى كٶرگەن جوقپىن. مۇنداي زاۋىت قازاقستاندا ەڭ بٸرٸنشٸ دەپ ايتۋعا بولادى.
كەسٸپورىندا اي سايىن 37 مىڭ شينا شىعارۋ جوسپارى تۇر. قازٸر جوسپارعا ساي جۇمىس جٷرگٸزٸلٸپ جاتىر. وسى جىلى ميلليوننان استام شينا دايىندايمىز دەپ جوسپارلاپ وتىرمىز", - دەيدٸ KamaTyresKZ شينا زاۋىتىنىڭ كومپونەنتتەر قۇراستىرۋ تسەحىنىڭ باسشىسى سايان قۋانىشبەكوۆ.
زاۋىتتا قازٸردٸڭ ٶزٸندە 528 ادام جۇمىس ٸستەيدٸ. ونىڭ 514-ٸ قازاقستان ازاماتتى بولسا, قالعان 14-ٸ مامان شەتەلدەن تارتىلعان.
"قاراعاندى وبلىسى بويىنشا ون شاقتى سەرٸكتەس قالالارداعى جۇمىسشىلارعا ارنالعان ارنايى تاسىمالداۋ قىزمەتٸ بار. ياعني, جۇمىسشىلاردى اۆتوبۋسپەن ٷيلەرٸنەن الىپ كەتەدٸ. سونىمەن قاتار تاماقتاندىرۋ جاعىنان جەڭٸلدٸكتەر قاراستىرىلعان. جەڭٸلدٸك كارتاسى ارقىلى تٷسكٸ استى تەگٸن ٸشۋگە بولادى. كەسٸپورىن تاراپىنان مەديتسينالىق ساقتاندىرۋ, ەلەۋمەتتٸك پاكەت بارلىعى قامتاماسىز ەتٸلٸپ وتىر. زاۋىت ٸشٸندە ستاتسيونارلىق امبۋلاتورييالىق پۋنكت جۇمىس ٸستەيدٸ. ەگەر جۇمىسشىعا قانداي دا بٸر مەديتسينالىق كٶمەك كەرەك بولسا بٸردەن سول جەرگە بارا الادى. بٸزدٸڭ ەندٸگٸ جوسپارىمىز وسى جەردە تاباندى ەڭبەك ەتٸپ, وتباسىمىزدى قامتاماسىز ەتٸپ, جۇمىس بارىسىندا ساتىلاپ ٶسۋدٸ كٶزدەپ وتىرمىز, - دەيدٸ سايان قۋانىشبەكوۆ.
زاۋىت تولىق قۋاتقا شىققان كەزدە 1125 جۇمىس ورنى اشىلادى. سونىمەن قاتار كەسٸپورىن ەكٸمدٸكپەن بٸرلەسٸپ كٶرشٸ قالالاردان كەلەتٸن قىزمەتكەرلەردٸ تۇرعىن ٷيمەن قامتاماسىز ەتۋ بويىنشا جۇمىس جٷرگٸزۋدە.
