Búgin Almaty Qoǵamdyq densaýlyq basqarmasynyń basshysy Kamaljan Nadyrov koronavirýsy bar aýyr naýqastardy emdeý úshin qoldanylatyn plazmany tapsyrdy, dep habarlaidy "Ult aqparat".
Onyń aitýynsha, Almatyda aýrýdyń óskeni baiqalyp tur. Sondai-aq koronavirýstyń aýyr túrimen aýyratyn naýqastar sany da artty.
«Búgin men koronavirýstyń aýyr túrimen naýqastanǵan azamattardy emdeý úshin qoldanylatyn plazmany tapsyrdym. Ózderińiz biletindei, men osy infektsiiamen aýyrdym jáne meniń plazmam osy indettiń aýyr túrimen aýyratyn patsientterdi emdeýge kómektesedi dep oilaimyn. Juqtyrǵandar úshin qoldanylatyn bul ádis tiri vaktsinanyń áserine ie jáne kópshilikke saýyǵyp ketýlerine kómektesedi. Donor bolý – árbir adamnyń paryzy. Qazir Almatyda 2 myńnan astam adam emdelip shyqty. Men árbir aýyryp jazylǵan adamdy Covid-19 antidenesine qan tapsyrýǵa shaqyramyn. Osylaisha, koronavirýstan emdelip jatqan kóptegen adamdarǵa, eń aldymen aýyr jaǵdaidaǵy naýqasqa kómektesýge bolady. Protsedýra qaýipsiz ótedi. Dál qazirgi jaǵdaida – virýspen kúres jaǵdaiynda barlyǵymyz birigýimiz kerek. Memleket juqpaly aýrýmen kúresýde úlken kómek kórsetýde. Biz barlyq qiyndyqtardy laiyqty túrde jeńe alamyz dep senemin», – dedi Almaty qalalyq basqarma basshysy.
Qazaqstanda koronavirýspen aýyrǵandardyń antidenelerin alý protsesi bastalǵanyn aita ketken jón. Bul protsedýrany qalaýshylar Almaty qalasynyń Respýblikalyq qan ortalyǵynda ótkize alady.
Respýblikalyq qan ortalyǵynyń direktory Diliaver Bekirovtyń aitýynsha, bir ai ishinde 24 adam plazma tapsyrýǵa ótinish bildirgen. Biraq tek úsheýi ǵana donor boldy, sebebi olarda COVID-19 antideneleriniń joǵary titri anyqtalǵan. Kamaljan Nadyrov barlyq belgiler boiynsha donor retinde sáikes keldi, óitkeni onyń aǵzasynda antidenelerdiń joǵary titri anyqtaldy.
Plazmaferez (plazma daiyndaý) protsedýrasy barysynda bir donordan 600 ml plazma alady, juqtyrǵan adam úshin 200 ml jetkilikti. Plazmanyń mundai kólemin alý donorǵa eshqandai ziian keltirmeidi.
Bul plazmanyń áseri passivti immýndaýǵa negizdelgen, iaǵni daiyn antideneler qanǵa aýystyrylady jáne osylaisha patsienttiń virýstaryn beitaraptandyrady.
Qazirgi ýaqytta dárigerler qoldanatyn barlyq preparattar – bakteriiaǵa qarsy nemese qabynýǵa qarsy tek janama sipatqa ie ekendigin esterińizge salamyz. Sondyqtan da, emdeýdiń basqa ádisterin qoldaný qajet bolady.
