بٷگٸن الماتى قوعامدىق دەنساۋلىق باسقارماسىنىڭ باسشىسى كامالجان نادىروۆ كوروناۆيرۋسى بار اۋىر ناۋقاستاردى ەمدەۋ ٷشٸن قولدانىلاتىن پلازمانى تاپسىردى, دەپ حابارلايدى "ۇلت اقپارات".
ونىڭ ايتۋىنشا, الماتىدا اۋرۋدىڭ ٶسكەنٸ بايقالىپ تۇر. سونداي-اق كوروناۆيرۋستىڭ اۋىر تٷرٸمەن اۋىراتىن ناۋقاستار سانى دا ارتتى.
«بٷگٸن مەن كوروناۆيرۋستىڭ اۋىر تٷرٸمەن ناۋقاستانعان ازاماتتاردى ەمدەۋ ٷشٸن قولدانىلاتىن پلازمانى تاپسىردىم. ٶزدەرٸڭٸز بٸلەتٸندەي, مەن وسى ينفەكتسييامەن اۋىردىم جەنە مەنٸڭ پلازمام وسى ٸندەتتٸڭ اۋىر تٷرٸمەن اۋىراتىن پاتسيەنتتەردٸ ەمدەۋگە كٶمەكتەسەدٸ دەپ ويلايمىن. جۇقتىرعاندار ٷشٸن قولدانىلاتىن بۇل ەدٸس تٸرٸ ۆاكتسينانىڭ ەسەرٸنە يە جەنە كٶپشٸلٸككە ساۋىعىپ كەتۋلەرٸنە كٶمەكتەسەدٸ. دونور بولۋ – ەربٸر ادامنىڭ پارىزى. قازٸر الماتىدا 2 مىڭنان استام ادام ەمدەلٸپ شىقتى. مەن ەربٸر اۋىرىپ جازىلعان ادامدى Covid-19 انتيدەنەسٸنە قان تاپسىرۋعا شاقىرامىن. وسىلايشا, كوروناۆيرۋستان ەمدەلٸپ جاتقان كٶپتەگەن ادامدارعا, ەڭ الدىمەن اۋىر جاعدايداعى ناۋقاسقا كٶمەكتەسۋگە بولادى. پروتسەدۋرا قاۋٸپسٸز ٶتەدٸ. دەل قازٸرگٸ جاعدايدا – ۆيرۋسپەن كٷرەس جاعدايىندا بارلىعىمىز بٸرٸگۋٸمٸز كەرەك. مەملەكەت جۇقپالى اۋرۋمەن كٷرەسۋدە ٷلكەن كٶمەك كٶرسەتۋدە. بٸز بارلىق قيىندىقتاردى لايىقتى تٷردە جەڭە الامىز دەپ سەنەمٸن», – دەدٸ الماتى قالالىق باسقارما باسشىسى.
قازاقستاندا كوروناۆيرۋسپەن اۋىرعانداردىڭ انتيدەنەلەرٸن الۋ پروتسەسٸ باستالعانىن ايتا كەتكەن جٶن. بۇل پروتسەدۋرانى قالاۋشىلار الماتى قالاسىنىڭ رەسپۋبليكالىق قان ورتالىعىندا ٶتكٸزە الادى.
رەسپۋبليكالىق قان ورتالىعىنىڭ ديرەكتورى ديلياۆەر بەكيروۆتىڭ ايتۋىنشا, بٸر اي ٸشٸندە 24 ادام پلازما تاپسىرۋعا ٶتٸنٸش بٸلدٸرگەن. بٸراق تەك ٷشەۋٸ عانا دونور بولدى, سەبەبٸ ولاردا COVID-19 انتيدەنەلەرٸنٸڭ جوعارى تيترٸ انىقتالعان. كامالجان نادىروۆ بارلىق بەلگٸلەر بويىنشا دونور رەتٸندە سەيكەس كەلدٸ, ٶيتكەنٸ ونىڭ اعزاسىندا انتيدەنەلەردٸڭ جوعارى تيترٸ انىقتالدى.
پلازمافەرەز (پلازما دايىنداۋ) پروتسەدۋراسى بارىسىندا بٸر دونوردان 600 مل پلازما الادى, جۇقتىرعان ادام ٷشٸن 200 مل جەتكٸلٸكتٸ. پلازمانىڭ مۇنداي كٶلەمٸن الۋ دونورعا ەشقانداي زييان كەلتٸرمەيدٸ.
بۇل پلازمانىڭ ەسەرٸ پاسسيۆتٸ يممۋنداۋعا نەگٸزدەلگەن, ياعني دايىن انتيدەنەلەر قانعا اۋىستىرىلادى جەنە وسىلايشا پاتسيەنتتٸڭ ۆيرۋستارىن بەيتاراپتاندىرادى.
قازٸرگٸ ۋاقىتتا دەرٸگەرلەر قولداناتىن بارلىق پرەپاراتتار – باكتەريياعا قارسى نەمەسە قابىنۋعا قارسى تەك جاناما سيپاتقا يە ەكەندٸگٸن ەستەرٸڭٸزگە سالامىز. سوندىقتان دا, ەمدەۋدٸڭ باسقا ەدٸستەرٸن قولدانۋ قاجەت بولادى.
