Almatyda jaǵdaiy óte aýyr naýqastardyń sany artty. Onyń sebebin qalalyq qoǵamdyq densaýlyq saqtaý basqarmasynyń basshysy Kamaljan Nadyrov brifing barysynda aitty, dep habarlaidy QazAqparat.
«Biz aýyr naýqastar sanynyń ósýi qant diabeti, arteriialyq gipertenziia, júrek aýrýlary siiaqty qosymsha aýrýlary bar naýqastardyń kóbeiýine bailanysty degen qorytyndyǵa keldik. Sondai-aq aýrýdyń aýyrlyǵy men naýqastardyń jas ereksheligi arasyndaǵy bailanys anyq baiqalady. Jai-kúii aýyr jáne óte aýyr patsientterdiń arasynda 80%-dan astamy - 60 jastan asqan adamdar (8,8%)», - deidi densaýlyq saqtaý basqarmasynyń basshysy Kamaljan Nadyrov.
Epidemiia bastalǵannan beri qalada jalpy 3429 jaǵdai tirkeldi. 2177 adam saýyǵyp, emdeýden shyǵaryldy. 20 patsient qaitys boldy. Búgingi kúni qala statsionarlarynda 1388 patsient em alýda.
Qalada óte aýyr jaǵdaida - 20, aýyr dárejede - 150, ortasha jaǵdaida - 1022 jáne qanaǵattanarlyq jaǵdaida - 194 patsient bar.
«Búgingi kúni ókpeni jasandy jeldetý apparatyna - 10, ókpeniń invazivti emes jasandy jeldetýge – 16 patsient qosylǵan. Bos apparattar – 23. Jalpy dinamikada syrqaty aýyr jáne óte aýyr dárejede júrip jatqan patsientterdiń kóbeigeni baiqalady», – dedi Kamaljan Nadyrov.
