الماتىدا جاعدايى ٶتە اۋىر ناۋقاستاردىڭ سانى ارتتى. ونىڭ سەبەبٸن قالالىق قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ بريفينگ بارىسىندا ايتتى, دەپ حابارلايدى قازاقپارات.
«بٸز اۋىر ناۋقاستار سانىنىڭ ٶسۋٸ قانت ديابەتٸ, ارتەرييالىق گيپەرتەنزييا, جٷرەك اۋرۋلارى سيياقتى قوسىمشا اۋرۋلارى بار ناۋقاستاردىڭ كٶبەيۋٸنە بايلانىستى دەگەن قورىتىندىعا كەلدٸك. سونداي-اق اۋرۋدىڭ اۋىرلىعى مەن ناۋقاستاردىڭ جاس ەرەكشەلٸگٸ اراسىنداعى بايلانىس انىق بايقالادى. جاي-كٷيٸ اۋىر جەنە ٶتە اۋىر پاتسيەنتتەردٸڭ اراسىندا 80%-دان استامى - 60 جاستان اسقان ادامدار (8,8%)», - دەيدٸ دەنساۋلىق ساقتاۋ باسقارماسىنىڭ باسشىسى كامالجان نادىروۆ.
ەپيدەمييا باستالعاننان بەرٸ قالادا جالپى 3429 جاعداي تٸركەلدٸ. 2177 ادام ساۋىعىپ, ەمدەۋدەن شىعارىلدى. 20 پاتسيەنت قايتىس بولدى. بٷگٸنگٸ كٷنٸ قالا ستاتسيونارلارىندا 1388 پاتسيەنت ەم الۋدا.
قالادا ٶتە اۋىر جاعدايدا - 20, اۋىر دەرەجەدە - 150, ورتاشا جاعدايدا - 1022 جەنە قاناعاتتانارلىق جاعدايدا - 194 پاتسيەنت بار.
«بٷگٸنگٸ كٷنٸ ٶكپەنٸ جاساندى جەلدەتۋ اپپاراتىنا - 10, ٶكپەنٸڭ ينۆازيۆتٸ ەمەس جاساندى جەلدەتۋگە – 16 پاتسيەنت قوسىلعان. بوس اپپاراتتار – 23. جالپى ديناميكادا سىرقاتى اۋىر جەنە ٶتە اۋىر دەرەجەدە جٷرٸپ جاتقان پاتسيەنتتەردٸڭ كٶبەيگەنٸ بايقالادى», – دەدٸ كامالجان نادىروۆ.
