Búgin Maqtaaral aýdandyq komitetke qarasty bastaýysh kásipodaq uiymdarynyń basshylarynyń qatysýymen «Qyzmet» memlekettik, bank mekemeleri jáne qoǵamdyq qyzmet kórsetý qyzmetkerleriniń salalyq kásipodaǵy» QB-niń Túrkistan oblysy Maqtaaral aýdandyq filialynyń Atqarý komitetiniń keńeitilgen otyrysy ótti, - dep habarlaidy «Ult aqparat».
Aýdandyq kásipodaq basshysy Qasymbek Hametovtyń aitýynsha, Qazaqstan Respýblikasynyń Úkimeti, jumys berýshilerdiń respýblikalyq birlestikteri men kásiptik odaqtardyń respýblikalyq birlestikteri arasyndaǵy 2021-2023 jyldarǵa arnalǵan Bas Kelisimdi talqylanǵan.
«Búgingi tańda kásipodaq filialynyń atqaryp jatqan jumystary barshańyzǵa belgili dep oilaimyn. Sonyń aiasynda «Qyzmet» Salalyq kásipodaǵynyń basqa salalyq kásipodaqtarǵa qaraǵanda jaýapkershiligi aýyr ekenin de túsinemiz. Ne degenmen de, búginde álemdi sharlaǵan pandemiianyń taralýyna bailanysty sanitarlyq sharalardy barynsha qatań saqtaýdy jáne mekemelerde qadaǵalaýdy tapsyramyn. Barlyq talaptar oryndala otyryp, jumystar júre berýi kerek», - dedi aýdandyq kásipodaq basshysy Qasymbek Hametov.
Aýdandyq kásipodaq basshysynyń aitýynsha, búgingi tańda respýblika aýmaǵynda júrip jatqan «Qalyń qalai, bastaýysh uiym?» aktsiiasy atalǵan aýdanda da óz jumystaryn júrgizip jatyr. Ol úshin kásipodaq músheleri endi jumysyn bastaǵan uiymdardyń uiymdastyrý jumystaryna kómek qolyn sozyp, aldaǵy ýaqytta aiaqqa tik turyp ketýine atsalysyp jatyr.
Esterińizge bolsa, búkil kásipodaq qozǵalysynyń tiregi bolyp tabylatyn bastaýysh kásipodaq uiymdarynyń róli men bedelin arttyrý, olarǵa barynsha qoldaý kórsetý maqsatynda Qazaqstan Respýblikasy Kásipodaqtar federatsiiasynyń 2021 jyldy «Bastaýysh kásipodaq uiymynyń jyly» dep jariialaǵan bolatyn. Osy «Bastaýysh kásipodaq uiymynyń jyly» aiasynda «Ualyń qalai, bastaýysh uiym?» atty aktsiia júrip jatyr.
Bul týraly Maqtaaral aýdandyq kásipodaq basshysy Qasymbek Hametov búgingi jiynda osy Qazaqstan Respýblikasynyń Úkimeti, jumys berýshilerdiń respýblikalyq birlestikteri men kásiptik odaqtardyń respýblikalyq birlestikteri arasyndaǵy 2021-2023 jyldarǵa arnalǵan Bas Kelisimdi talqylaǵanyn atap ótti.
«Kásipodaqtardyń da jumysy ońai emes. Degenmen, respýblika boiynsha jariialanǵan baiqaýlarǵa mindetti túrde qatysý kerek, óitkeni baiqaýlar men aktsiialar mol tájiribe beretini sózsiz. Osy oraida aitqysm kelgeni, Qazaqstan Respýblikasy Kásipodaqtar federatsiiasynyń uiymdastyrýymen ótkiziletin baiqaý-konkýrstarǵa «Halyq biýdjeti», «Bastaýysh kásipodaq uiymy jyly», «Eńbek eldiń — muraty» arnaiy jobasynyń aiasynda «Eńbek joly» baiqaý-konkýrstaryna belsendi qatysý kerektigin túsindirip, kásipodaq jumysynan shet qalmaýdy tapsyrý kerek», - dedi aýdandyq kásipodaq basshysy Qasymbek Hametov.
Sonymen qatar, ol barlyq Maqtaaral aýdandyq kásipodaq múshelerin Kóktem merekesi — Naýryz merekesimen quttyqtap, «Naýryz» senbiligin ótkizýge shaqyrdy.
Esterińizge sala keteiik, Búgin Maqtaaral aýdandyq komitetke qarasty bastaýysh kásipodaq uiymdarynyń basshylarynyń qatysýymen «Qyzmet» memlekettik, bank mekemeleri jáne qoǵamdyq qyzmet kórsetý qyzmetkerleriniń salalyq kásipodaǵy» QB-niń Túrkistan oblysy Maqtaaral aýdandyq filialynyń Atqarý komitetiniń keńeitilgen otyrysy ótti. Qazaqstan Respýblikasy Kásipodaqtar federatsiiasynyń 2021 jyldy «Bastaýysh kásipodaq uiymynyń jyly» dep jariialaǵan bolatyn. Osy «Bastaýysh kásipodaq uiymynyń jyly» aiasynda «Ualyń qalai, bastaýysh uiym?» atty aktsiia júrip jatqanyna bailanysty, aýdandaǵy uiymdardyń da jumystary qyzý talqyǵa tústi.
