QR IIM basshysy Qalmuhambet Qasymov Denis Ten ólimin jasyryp qaldy degen kúdikpen ustalǵan əiel týraly aityp berdi, dep habarlaidy "Ult aqparat".
«Qandai adamdar? Olar - syrttan kelgender. Bireýi - Jambyl oblysynan, al ekinshisi - Qyzylorda oblysynan. Úshinshi kúdikti - əiel adam. Ol da Jambyl oblysynan jazda Almatyda daiarshy bolyp jumys isteýge kelgen. Ustalǵan eki jigit kólikterdiń búiir ainasyn urlaýmen ainalysqan», - dedi Qalmuhambet Qasymov Almatyda Qazaqstan Respýblikasy men Resei Federatsiiasy ishki ister ministrligi áriptestiginiń tórtinshi otyrysy boiynsha ótken brifingte.
«Ishki ister jáne Ulttyq ulan qyzmetkerleri – bárimiz Denis Tenniń qazasyna qaiǵyryp otyrmyz. Kóbisi bile bermeidi, biraq Denis "bizdiń adam" bolǵan. 2011-2012 jyldary Ulttyq ulanda boryshyn atqardy. Sport boiynsha aǵa nusqaýshy bolyp, bizdiń sportshylarǵa ýaqytyn bóldi. Sondyqtan bul biz úshin de orny tolmas qaza», - dep, ótkendi eske alǵan ministr Denis Tenniń otbasymen kezdeskenin de jetkizdi.
Eske sala ketsek, qazaqstandyq mánerlep syrǵanaýshy Denis Ten 19 shilde kúni Almatyda avtokólik urylarynyń qolynan qaza tapty. Oqiǵa túski úshter shamasynda bolǵan. Sportshy turaqta turǵan kóliginiń ainasyn urlamaq bolǵan eki adamnyń ústinen túsedi. Arada janjal bastalyp, saldarynan Denis Ten pyshaq jaraqatyn alady.
Úsh litr qan joǵaltqan sportshy keshki bes jarymda aýrýhanada kóz jumdy.
Atalǵan faktige qatysty qylmystyq is qozǵaldy. Sportshynyń ólimine qatysy bar degen kúdikpen úsh azamat ustaldy. Olar Jambyl oblysynyń týmasy 24 jastaǵy Nuraly Qiiasov, Qyzylorda oblysynyń 1994 jylǵy týmasy Arman Qudaibergenov jáne Janar Tolybaeva. Áiel qylmys jasalǵanyn habarlamaǵany úshin ustaldy.
