Darhan Káletaev Qazaqstannyń Moldova Respýblikasyndaǵy tótenshe jáne ókiletti elshisi qyzmetin qosa atqarýdan bosatyldy, - dep habarlaidy "Ult aqparat" Aqorda saityna silteme jasap.
"Memleket basshysynyń Jarlyǵy boiynsha Qazaqstan Respýblikasynyń Ýkrainadaǵy tótenshe jáne ókiletti elshisi Darhan Amanuly Káletaev Qazaqstan Respýblikasynyń Moldova Respýblikasyndaǵy tótenshe jáne ókiletti elshisi qyzmetin qosa atqarýdan bosatyldy", - delingen Jarlyqta.
Darhan Amanuly Káletaev 1972 jyly Shyǵys Qazaqstan oblysy Tarbaǵatai aýdany Tuǵyl kentinde dúniege kelgen. Tarihshy, saiasattaný ǵylymdarynyń doktory.
1994 jyly Shyǵys Qazaqstan memlekettik ýniversitetin tarihshy mamandyǵy boiynsha bitirgen. 1996-1997 jyly QR Prezidenti janyndaǵy Memlekettik basqarý ulttyq joǵary mektebin bitirgen. "Sotsialno-politicheskaia konsolidatsiia kazahstanskogo naroda degen taqyrypta doktorlyq dissertatsiia qorǵady. Jastar ómiri jáne olardyń saiasi-áleýmettik máseleleri jaiynda jazylǵan kitaptardyń (mysaly, "Molodej Kazahstana na poroge HHI veka", 2000; "Vozmemsia za rýki, drýzia!", 2001; teleavt.) avtory.
Eńbek jolyn 1995 jyly Ministrler kabinetiniń Tilder komitetiniń mamany retinde bastaǵan. Bilim jáne mádeniet, aqparat jáne qoǵamdyq kelisim ministrlikteriniń qurylymynda jumys istegen.
2001-2002 jyldary Mádeniet jáne qoǵamdyq kelisim ministrliginiń ishki saiasat departamenti direktorynyń orynbasary, keiin Aqparat jáne qoǵamdyq kelisim ministrliginiń jastar saiasaty departamentiniń direktory bolyp jumys istedi.
2002 jyldan bastap - QR Prezidenti Ákimshiliginiń sektor meńgerýshisi, ishki saiasat bóliminiń meńgerýshisi, áleýmettik-saiasi bólim meńgerýshisi, memlekettik baqylaý jáne uiymdastyrý bóliminiń meńgerýshisi qyzmetin atqarǵan.
2007-2008 jyldary - QR Prezidenti Ákimshiligi basshysynyń orynbasary, 2008-2009 jyldary - "Nur Otan" HDP Tóraǵasynyń birinshi orynbasary, 2009-2016 jyldary - "Samuryq-Qazyna" ulttyq ál-aýqat qory" AQ basqarýshy direktory qyzmetterin atqarǵan.
2018 jyldyń 4 sáýirinde Darhan Kaletaev din isteri jáne azamattyq qoǵam ministri bolyp taǵaiyndalǵan edi.
