Aqmola oblysy mamandandyrylǵan tabiǵatty qorǵaý prokýratýrasynyń bastamasymen ýákiletti organdar tarapynan brakonerlik faktilerin anyqtaý boiynsha is-sharalar turaqty túrde júrgizilip turady, dep habarlaidy "Ult aqparat" oblystyq prokýratýranyń baspasóz qyzmetine silteme jasap.
Vedomstvonyń málimetinshe, 14 mamyrda tabiǵatty qorǵaý prokýratýrasynyń jáne Aqmola oblysy TJD qyzmetkerleri Zerendi aýdanynyń Myrzakólsor kólinde jalpy uzyndyǵy 5 shaqyrymnan astam balyqshylar aýyn tapty. Aýdaǵy balyq kólge jiberilip, aý joiyldy.
«Atalmysh qaldyq sýdan jinalǵan toǵanda 1972 jyldan bastap Kókshetaý qalasynyń sarqyndy sýy (sharýashylyq-zárnájistik jáne ónerkásiptik sarqyndarynyń) jinalady. Toǵanda tuqy (karp) balyǵy bar. Ony balyqshylar zańsyz aýlap, Kókshetaý jáne Petropavl qalalarynyń bazarlarynda satady.
Osyǵan bailanysty, azamattardy balyq ónimderin satýshylardyń veterinarlyq anyqtamalar men zerthanalyq zertteý aktilerin usynǵannan keiin ǵana satyp alýǵa shaqyramyz», - deidi Aqmola oblysy prokýratýrasynyń baspasóz qyzmetindegiler.
Aita ketý kerek, jyl basynan beri politsiia qyzmetkerleri jáne Aqmola oblystyq orman sharýashylyǵy jáne janýarlar dúniesi aýmaqtyq inspektsiiasynyń mamandary ańshylyq erejesin buzǵany úshin 190 tulǵany, al, balyq aýlaý erejesin buzǵany úshin - 272 tulǵany anyqtap, ákimshilik jazaǵa tartty.
