Mańǵystaý oblysyndaǵy Qalamqas ken ornynan shyqqan órtti sóndirýge Atyraý oblysynan qosymsha 7 tehnika jetkizildi.
Arasynda sekýndyna 200 litr sý shashatyn avtkólikter de bar. Qazir apat ornynda 27 tehnika men 83 adam tilsiz jaýmen kúresip jatyr. Qyzyl otqa jaqyndaý múmkin bolmaǵandyqtan mamandar keshe órt sóndirýdiń taktikasyn ózgertti, dep habarlady Habar 24kz.
Tilsiz jaýdy aýyzdyqtaý úshin jerdi qazyp, jol salynyp jatyr. Qazir apatqa bailanysty birneshe quzyrly organ ókilderiniń qatysýymen arnaiy komissiia quryldy. Olar apattyń shyǵý sebebin, keltirilgen shyǵyn men qorshaǵan ortaǵa kelgen zalal kólemin anyqtamaq. Al Mańǵystaý aýdandyq politsiia basqarmasy jer qoinaýyn paidalanýshy kompaniiaǵa qatysty qylmystyq is qozǵady.
«Bul - munai-gaz kenishterinde jii bolatyn ádettegi jaǵdai. Órt shalǵan uńǵyma áli iske qosylmaǵan, qazylyp jatqan kezde apatqa ushyrady. Qai jerde qandai qatelik ketkenin arnaiy tekseristen soń anyqtaityn bolamyz. Barlyǵyna osynda jumys istep jatqan «Sý bý» kompaniiasy jaýapty bolady», - deidi «Qazmunaigaz» UK Basqarma tóraǵasynyń orynbasary Jaqyp Marabaev.
«Qorshaǵan ortaǵa eleýli ziian keletin jaǵdailar bolǵan joq. Óitkeni Kaspii teńiziniń ózi apat bolǵan orynnan 45 shaqyrym qashyqta ornalasqan. Iaǵni dambasy bar. Qazir Kaspii teńizine sýdyń tógilý qaýpi tónip turǵan joq. Sonymen qosa basty nazarǵa alatyn másele ol jerde jerasty sýy ǵana gaz aralas tógilýde. Munai tógilý faktileri bolǵan joq», - deidi oblystyq ekologiia departamentiniń basshysy Rýslan Tókenov.
