QR Energetika vitse-ministri Maǵzum Myrzaǵaliev Qalamqas ken ornyndaǵy apattyń saldaryn túsindirdi, dep xabarlaidy "Ult aqparat".
"Búgin ot tolyǵymen óshirildi. Biz ol jerde arnaiy ekologiialyq beketti ashtyq. Sonyń málimetine sáikes, qorshaǵan ortaǵa úlken ekologiialyq ziian kelgen joq. Sebebi jerdiń astynan gaz ben sý shyqty. Munai bolǵan joq. Al gaz tolyǵymen janyp ketti", - dedi M.Myrzaǵaliev jýrnalisterge bergen suxbatynda.
Onyń aitýynsha, aldaǵy ýaqytta bosqa janyp ketken gazdyń kólemi esepteledi. Sonyń negizinde ekologiiaǵa kelgen ziianda da anyqtaýǵa múmkindik bar. "Osy jumysqa birneshe apta ketetin shyǵar. Sol kezde biz barlyq aqparatty jariialaimyz", - dep atap kórsetti M.Myrzaǵaliev.
Aita keteiik, 13 naýryzda Mańǵystaý aýdanyndaǵy «MańǵystaýMunaiGaz» AQ-nyń «Qalamqas» munai-gaz ken ornynda «Si Bý» injenerlik burǵylaý kompaniiasy» JShS №8237 uńǵymasyn burǵylaý barysynda gaz-sý qospasy atqylady. Al 25 naýryz kúni saǵat 07:10-da Mańǵystaý oblystyq TJD kezekshi-dispetcherlik qyzmetine «Qalamqas» ken ornyndaǵy uńǵymadan shyqqan gaz janyp, biikti 10 metrge deiin jalyn atqylap turǵandyǵy habarlandy.
