Ishki ister ministri Erlan Turǵymbaev aldaǵy eki jylda iri qalalardaǵy kriminogendi aýdandarda arnaiy 176 statsionarlyq beket qoiylatynyn málim etti, dep habarlaidy QazAqparat.
«Memleket basshysy eldegi qaýipsizdikti saqtaýda Ishki ister ministrliginiń rólin erekshe atap ótip, bizdiń aldymyzǵa naqty mindetterdi qoiǵan bolatyn. Eń birinshi kezekte qoǵamdaǵy tártiptiń saqtalýyn tapsyrdy. Prezident ultaralyq kelisim men qoǵamdaǵy turaqtylyq – eń basty qundylyq ekenin atap ótti. Adamdar ózderin qaýipsiz ekenin sezinýi kerek», - degen ministr IIM jumystyń servistik modeli engizilip jatqanyn aityp ótti.
Erlan Turǵymbaevtyń sózinshe eń aldymen kóshelerde, baqtarda, adamdar kóp jinalatyn oryndarda qaýipsizdiktiń saqtalýyna basa mán beriledi.
«Ákimdikpen birge kriminogendi aýdandarda Japoniia, Ońtústik Koreia jáne Singapýr elderiniń tájiribesi boiynsha arnaiy statsionarlyq beketter qoiylyp jatyr. Ol jerde politsiia qyzmetkerleri táýlik boiy minsiz qyzmet ete alatyndai jaǵdai jasalǵan. Búgingi tańda aimaqtarda osyndai 44 beket ornatylǵan. Aldaǵy eki jylda dál osyndai 176 beket ornatý kózdelip otyr», - dedi ol.
