QR Energetika ministrliginiń alqa májilisinde vedomstvo basshysy Nurlan Noǵaev «QazTransGaz» AQ ulttyq operatory injenerlik jelilerin tsifrlandyrý barysyn aitty, dep habarlaidy "Ult aqparat".
«Sonymen qatar, «QazTransGaz» AQ ulttyq operatory injenerlik jelilerdi tsifrlandyrý boiynsha jumystardy júrgizýde. Búgingi kúni shamamen eldiń 2 million abonenti tsifrlandyryldy. Gaz qubyrynyń magistraldyq bóliginiń 19 myń shaqyrymy tsifrlandyryldy. Magistraldyq gaz qubyry nysandarynyń 3D modeli jasaldy», - dedi ministr.
Sondai-aq pilottyq rejimde Qostanai qalasynyń gaz taratý júiesi tsifrlandyrylǵan.
2021 jyly qalalar men oblystardaǵy 47 myń shaqyrym gaz taratý jelilerin tsifrlandyrý, keńistiktik derekterdi tsifrlandyrý jáne ózektendirý josparlanyp otyr.
