Kóliktegi memlekettik bas sanitarlyq dáriger Sádýaqas Baiǵabylov qalalar arasynda jeke kólikpen júrýge qoiylǵan shekteý nege alynbaǵan túsindirdi, dep habarlaidy "Ult aqparat".
«Ushaqpen jáne temirjol kóligimen saparlaǵan kezde, jolaýshylardyń araqashyqty ustaýyn, maska taǵý rejimin oryndaýyn qadaǵalaityn jolserikter bolady. Al qalalalar arasynda avtobýspen tasymaldaýda osyndai qadaǵalaý bolmaidy. Onda tek júrgizýshi ǵana otyrady jáne onyń maqsaty – kólik qozǵalysynyń qaýipsizdigin qamtamasyz etý. Sondyqtan avtobýstarda jolaýshylarǵa qatysty jaǵdaidy baqylaityn adamnyń bolmaýyna bailanysty, qazirgi kezde qalalar arasynda avtobýs qatynasyn jandandyrý erterek», - dedi S. Baiǵabylov Ortalyq kommýnikatsiialar qyzmetinde.
Onyń sózine qaraǵanda, óńirlerde koronavirýs infektsiiasy boiynsha jaǵdaidy eskere otyryp, iaǵni monitoring sharalary aiasynda avtobýs baǵdarlaryn iske qosý máselesi qaralatyn bolady.
«Blokpostarǵa toqtalsaq, birqatar óńirlerde koronavirýsqa qatysty jaǵdai túzelgen kezde, blokpostardy alyp tastaý boiynsha másele kezeń-kezeńmen qaralady. Sol ýaqytta avtojoldarda jeke kólikterdiń qozǵalysyn jandandyrýǵa múmkin bolady», - dedi ol.
