كٶلٸكتەگٸ مەملەكەتتٸك باس سانيتارلىق دەرٸگەر سەدۋاقاس بايعابىلوۆ قالالار اراسىندا جەكە كٶلٸكپەن جٷرۋگە قويىلعان شەكتەۋ نەگە الىنباعان تٷسٸندٸردٸ, دەپ حابارلايدى "ۇلت اقپارات".
«ۇشاقپەن جەنە تەمٸرجول كٶلٸگٸمەن ساپارلاعان كەزدە, جولاۋشىلاردىڭ اراقاشىقتى ۇستاۋىن, ماسكا تاعۋ رەجيمٸن ورىنداۋىن قاداعالايتىن جولسەرٸكتەر بولادى. ال قالالالار اراسىندا اۆتوبۋسپەن تاسىمالداۋدا وسىنداي قاداعالاۋ بولمايدى. وندا تەك جٷرگٸزۋشٸ عانا وتىرادى جەنە ونىڭ ماقساتى – كٶلٸك قوزعالىسىنىڭ قاۋٸپسٸزدٸگٸن قامتاماسىز ەتۋ. سوندىقتان اۆتوبۋستاردا جولاۋشىلارعا قاتىستى جاعدايدى باقىلايتىن ادامنىڭ بولماۋىنا بايلانىستى, قازٸرگٸ كەزدە قالالار اراسىندا اۆتوبۋس قاتىناسىن جانداندىرۋ ەرتەرەك», - دەدٸ س. بايعابىلوۆ ورتالىق كوممۋنيكاتسييالار قىزمەتٸندە.
ونىڭ سٶزٸنە قاراعاندا, ٶڭٸرلەردە كوروناۆيرۋس ينفەكتسيياسى بويىنشا جاعدايدى ەسكەرە وتىرىپ, ياعني مونيتورينگ شارالارى اياسىندا اۆتوبۋس باعدارلارىن ٸسكە قوسۋ مەسەلەسٸ قارالاتىن بولادى.
«بلوكپوستارعا توقتالساق, بٸرقاتار ٶڭٸرلەردە كوروناۆيرۋسقا قاتىستى جاعداي تٷزەلگەن كەزدە, بلوكپوستاردى الىپ تاستاۋ بويىنشا مەسەلە كەزەڭ-كەزەڭمەن قارالادى. سول ۋاقىتتا اۆتوجولداردا جەكە كٶلٸكتەردٸڭ قوزعالىسىن جانداندىرۋعا مٷمكٸن بولادى», - دەدٸ ول.
