Qazaqstan Prezidenti Qasym-Jomart Toqaev Ujymdyq qaýipsizdik týraly shart uiymy Ujymdyq qaýipsizdik keńesiniń kezekten tys sessiiasyna qatysty, dep habarlaidy "Ult aqparat" Aqordanyń baspasóz qyzmetine silteme jasap.
Armeniia Respýblikasynyń usynysymen ótken otyrys beinebailanys rejiminde ótti.
Sonymen qatar sammitke Qyrǵyzstan Prezidenti Sadyr Japarov, Resei Prezidenti Vladimir Pýtin, Tájikstan Premer-ministri Kohir Rasýlzoda, Armeniia Premer-ministri Nikol Pashinian, Belarýs Qaýipsizdik Keńesiniń Memlekettik hatshysy Aleksandr Volfovich, UQShU Bas hatshysynyń orynbasary Valerii Semerikov qatysty.
Memleketter basshylary ázerbaijan-armian memlekettik shekarasynda bolǵan oqiǵalarǵa qatysty Armeniia Premer-ministriniń málimetin tyńdady.
Qazaqstan Prezidenti sessiiaǵa qatysýshylar aldynda sóilegen sózinde qaqtyǵysty tek saiasi-diplomatiialyq joldarmen sheshý qajet ekenin atap ótti.
Qasym-Jomart Toqaev jaǵdaidy turaqtandyrý úshin múmkin bolǵan barlyq sharany qabyldaýǵa, kúshtik qurylymdardy paidalanýdan bas tartýǵa, shuǵyl túrde kelissóz júrgizýge shaqyrdy.
