قازاقستان پرەزيدەنتٸ قاسىم-جومارت توقاەۆ ۇجىمدىق قاۋٸپسٸزدٸك تۋرالى شارت ۇيىمى ۇجىمدىق قاۋٸپسٸزدٸك كەڭەسٸنٸڭ كەزەكتەن تىس سەسسيياسىنا قاتىستى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
ارمەنييا رەسپۋبليكاسىنىڭ ۇسىنىسىمەن ٶتكەن وتىرىس بەينەبايلانىس رەجيمٸندە ٶتتٸ.
سونىمەن قاتار سامميتكە قىرعىزستان پرەزيدەنتٸ سادىر جاپاروۆ, رەسەي پرەزيدەنتٸ ۆلاديمير پۋتين, تەجٸكستان پرەمەر-مينيسترٸ كوحير راسۋلزودا, ارمەنييا پرەمەر-مينيسترٸ نيكول پاشينيان, بەلارۋس قاۋٸپسٸزدٸك كەڭەسٸنٸڭ مەملەكەتتٸك حاتشىسى الەكساندر ۆولفوۆيچ, ۇقشۇ باس حاتشىسىنىڭ ورىنباسارى ۆالەريي سەمەريكوۆ قاتىستى.
مەملەكەتتەر باسشىلارى ەزەربايجان-ارميان مەملەكەتتٸك شەكاراسىندا بولعان وقيعالارعا قاتىستى ارمەنييا پرەمەر-مينيسترٸنٸڭ مەلٸمەتٸن تىڭدادى.
قازاقستان پرەزيدەنتٸ سەسسيياعا قاتىسۋشىلار الدىندا سٶيلەگەن سٶزٸندە قاقتىعىستى تەك ساياسي-ديپلوماتييالىق جولدارمەن شەشۋ قاجەت ەكەنٸن اتاپ ٶتتٸ.
قاسىم-جومارت توقاەۆ جاعدايدى تۇراقتاندىرۋ ٷشٸن مٷمكٸن بولعان بارلىق شارانى قابىلداۋعا, كٷشتٸك قۇرىلىمداردى پايدالانۋدان باس تارتۋعا, شۇعىل تٷردە كەلٸسسٶز جٷرگٸزۋگە شاقىردى.
