Sheshenstan basshysy Ramzan Qadyrov sońǵy bir jyldyń ishinde Birikken Arab ámirlikterine (BAÁ) 14 ret baryp, jeke villada demalǵan.
Bul týraly "Ýkrainskaia pravda" basylymy ushaqtardyń qozǵalysyna monitoring jasaityn qyzmetterdiń jáne Qadyrov ainalasyndaǵy adamdardyń áleýmettik jelidegi málimetterine súienip habarlady.
Basylym málimetine qaraǵanda, Sheshenstan basshysy toqtaǵan villa jasandy jolmen salynǵan Palm-Jýmeira aralynda ornalasqan. Onda bir táýlik turý 3 myń dollar turady.
Ramzan Qadyrov bul boiynsha eshqandai pikir bildirmedi.
Osyǵan deiin reseilik oppozitsiialyq saiasatker Aleksei Navalnyidyń komandasy atalǵan aralda Ýkrainanyń "Donetsk halyqtyq respýblikasy" dep atalatyn jikshil aimaǵynyń burynǵy basshysy, qazir Memlekettik dýma depýtaty Aleksandr Borodai satyp alǵan apartamentter bar ekenin, olardyń baǵasy 450 myń eýro bolatynyn anyqtaǵan. Borodai bul aqparatty rastamaǵan.
