Densaýlyq saqtaý ministri Aleksei Tsoi eldegi jedel járdem kólikteriniń jetispeýi máselesi qalai sheshiletinin aityp berdi, dep habarlaidy QazAqparat.
«Jedel járdem kólikteriniń jetispeýi máselesi qysqa merzimniń ishinde ákimdiktermen birge sheshimin tabady. Meditsinalyq emes uiymdardyń esebinen osy másele retke keltiriledi. Respýblikalyq biýdjettiń esebinen qazirdiń ózinde 807 jedel járdem kóligi satylyp alyndy. Ol kólikterdiń alǵashqy partiiasy, iaǵni 14-i shilde aiynda Nur-Sultanǵa, 18-i Soltústik Qazaqstanǵa jetkiziledi», - dedi Aleksei Tsoi OKQ-da ótken baspasóz máslihatynda.
Ministrdiń aitýynsha, kadrlyq jetispeýshilikti sheshý úshin meditsinalyq kolledjderdiń túlekteri (112 adam) tartylyp jatyr.
«Jergilikti atqarýshy organdarǵa ártúrli resýrs arqyly qosymsha korona-taksi shyǵarý týraly usynys berildi. Kún saiyn respýblika boiynsha aýysym boiynsha 1400 kóshpeli brigada shyǵady. Shaqyrylatyn orynǵa shyǵýdyń ortasha táýliktik kórsetkishi – keiingi eki aptada 30 myńnan asyp ketti. Bul – qalypty júktemeden eki ese kóp», - dedi ol.
Eske sala ketsek, búgin QR Premer-Ministri Asqar Maminniń tóraǵalyǵymen ótken Memlekettik komissiia otyrysynda QR Prezidenti Qasym-Jomart Toqaevtyń tapsyrmasyna sáikes Qazaqstandaǵy epidemiologiialyq ahýaldy turaqtandyrý sharalary qaralǵan bolatyn. Memlekettik komissiianyń sheshimimen 5 shildeden bastap 14 kúnge qatań shekteý sharalaryn engizetin boldy.
