Er adam kinoteatrda popkornǵa qaqalyp qaitys boldy Er adam kinoteatrda popkornǵa qaqalyp qaitys boldy Almatyda qaldyqtardy kádege jaratý zaýytynyń qurylysy bastalady Almatyda qaldyqtardy kádege jaratý zaýytynyń qurylysy bastalady
Qoǵam

Qadir túnine qatysty 7 suraq

Ult portaly
Qadir túnine qatysty 7 suraq

Qazaqstan Musylmandary Dini basqarmasynyń resmi saity Qadir túnine qatysty jii qoiylatyn 7 suraqty kópshilik nazaryna usynady. Suraqtardyń jaýaptary tolyǵyraq berilgen. 

1. Qadir túni qashan bolady?

Jaýap: Qadir túni - Ramazan aiynyń sońǵy on túniniń biri. Iaǵni, on túnniń birine jasyrylǵan. Al 27-tún - Qadir túni bolýy eń yqtimal tún.

2. Qadir túni mindetti túrde uiyqtamaý kerek pe?

Jaýap: Qadir túni múmkindiginshe uiyqtamaǵan durys. Maqsat - tek uiyqtamai, oiaý júrý emes, durysy duǵa-tilek jasap, renjitken adamdardy keshirip, namaz oqyp, sadaqa berý, izgilikke umtylý.

3. Qadir túni qai ýaqyttan bastalyp, qai ýaqytqa deiin jalǵasady? Qadir túnin túngi 12-den 1 jarymǵa deiin kútý kerek deidi, sol ras pa?

Jaýap: Qadir keshi kún batyp, aýyz ashqan sətten bastap, tań atatyn ýaqytqa deiin jalǵasady.

4. Qadir túni Qydyr ata kele me?

Jaýap: Qadir túni de, basqa túni de Qydyr ata kelmeidi. Ol - qate túsinik. Qadir túnin duǵa, tilek, qulshylyqpen ótkizgen adamǵa bir jyl boiy bereke-baqyt, bailyq, yrys-nesibe keledi. 

5. Etekkiri kelgen áielge Qadir túni ne isteýge bolady?  

Etekkiri kelgen áielge meshitke kirýge, Quran oqýǵa, tyssyz Quran ustaýǵa, namaz oqýǵa jáne oraza ustaýǵa bolmaidy. Sondyqtan, bul jaǵdaiǵa tap bolǵan áiel kisi meshitke kelmei, Qadir túnin óz úiinde ótkizedi. Ardaqty paiǵambarymyz óziniń asyl sózinde: «Etekkiri kelgen áiel men ǵusyly joq adamǵa meshitke kirýdi halal etpeimin, – dei otyryp etekkir kezinde áiel kisige meshitke kirýine bolmaityndyǵyn aitqan.

Endeshe, ondai jaǵdaidaǵy áiel Qadir túnin úiinde kútedi. Namaz oqymaǵanymen Alladan duǵa tilep, táspi tartyp «sýbhánallah», «álhamdýlillah», «Allahý ákbár» degen siiaqty zikirler men «astaǵfirýlla» dep keshirim aityp otyrýyna bolady. Sondai-aq, jattaǵan duǵa-aiattaryn da duǵa maqsatymen oqýyna bolady.

6. Qadir túni dastarhan jaiyp, esik-terezelerdi ashyp qoiý kerek pe?

Jaýap: Qadir túniniń qurmetine dastarhan jaiýdyń qajeti joq. Úige jaqsylyq kiredi dep esik-terezelerdi ashyp qoiý da - qate túsinik. Kerisinshe, Alla sizdiń duǵa jasap, namazǵa jyǵylyp, keshirimdi, meiirimdi adamǵa ainalǵanyńyzdy qalaidy. Bul túni sizden ózgerip, múlde jaqsy adamǵa ainalǵanyńyzdy kútedi. 

7. Meshitke kelgen soń, neden bastaimyn?

Jaýap: «Qadir túni» dep niet etip kelgen soń, áýeli dáretti bolýyńyz shart. Meshitke kirgen soń, eki bas sálem namazyn oqyńyz. Meshit imamynyń ýaǵyzyn tyńdap, jamaǵatpen birge namaz oqyńyz. Qalǵan ýaqytta otbasyńyzǵa, ózińizge, jaqyndaryńyzǵa duǵa etińiz. Quran oqyńyz.

Oqi otyryńyz