«Jasyl damý» osy ýaqytqa deiin artyq tólengen ýtilalymdy qaitarýǵa ótinim qabyldaýdy bastady, dep habarlaidy "Ult aqparat" kompaniianyń baspasóz qyzmetine silteme jasap.
«Jasyl damý» AQ recycle.kz. resmi saitynda tehnikalyq jumystardyń aiaqtalǵanyn habarlaidy. Aita ketý kerek, «kádege jaratý tólemi» bóliminde ýaqytsha tehnikalyq jumystar júrgizilgendikten, ýtilizatsiialyq tólem jasaýshylar úshin «jeke kabinetine» kirip, ótinim qaldyrý múmkin bolmaǵan.
Jeke kabinetke kirý 25 mamyrdan bastap shtatty rejimde jumys istep tur. Sondai-aq, 14 mamyrdan keiin (qosa alǵanda) ýtilizatsiialyq alymdy eski mólsherlemeler boiynsha tólegen jeke jáne zańdy tulǵalar artyq tólengen somasyn qaitaryp ala alady. Ol úshin «E-otinish» elektrondyq platformasynda elektrondy tsifrlyq qoltańba arqyly ótinish berýleri qajet. Ótinishte tólem tapsyrmasyn qosa bere otyryp, qaitarýdy júzege asyrý úshin ótinimniń nómirin, shottyń derektemelerin kórsetýi kerek" - delingen aqparatta.
