Belgili dintanýshy Qabylbek Álipbaiuly ýaǵyzdarynyń birinde sáláfizm men ýahabizmniń túpki maqsaty bir ekenin aityp, jastardy adaspaýǵa shaqyrdy, dep habarlaidy Baq.kz.
«Arab álemindegi ǵulamalar kitap jazyp shyqty. Olar qazirgi sáláfiler – burynǵy ýahabister ekenin aityp otyr. Aitqan sózime jaýap beremin. Óitkeni álemge ýahabizm jaman atpen taralyp ketkendikten, olar attaryn ózgertip keldi. «Joǵa, men ýahabis emes, sáláfitpin» deidi. Sáláfizm men ýahabizm bir nárse: bireýi - aq it, bireýi - qara it. Baýyrlar ondai joldy tastaý kerek. Sen eshqashan sáláfi bola almaisyń. Ol úshin 14 ǵasyr buryn dúniege kelýiń kerek edi. Mysaly, qazir myna Ernar baýyrymdy shyǵaramyn da, Uly Otan soǵysynyń ardageri dep tanystyramyn. Qabyldamaisyzdar ǵoi?! Otan soǵysy degen birden 41-45 jyldar esimizge túsedi. Olardyń aty altyn áriptermen jazylyp, qiiametke deiin turady osylai.
Dál sol sekildi «sáláf» degen kezde Paiǵambarymyzdyń hadisi eske túsedi. Eń kemeldengen ǵasyr – meniń ǵasyrym, odan keiingi keletin ǵasyrlarda din buzylady dedi. Sol kezde sahabalar: «Ýa, Rasýlýlla, din buzylsa, kimnen úirenemiz» dep surady. Sonda Paiǵambarymyz: «Meniń súnnetimmen júretin jamaǵatpen birge bolyńdar», - dedi. Mine, hadiste osylai aitylǵan. Demek sen sáláf bola almaisyń eshqashan... Qaita fitna shyǵaryp jatyrsyń. Sol úshin aqyrette jaýap beresiń.
Qanshama otbasy buzyldy. Qanshama ata-ana jylap otyr. Túrmege jabyldy, soǵysta óldi. Sondyqtan baýyrlar, Allanyń bergen ómirine shúkirshilik etip, namazyńdy oqy, bala-shaǵańa ie bol, jumysyńdy iste, bul ómirden abyroimen ketýimiz kerek».
.jpg)