Kabýl qalasyndaǵy ýniversitetke qarýly top shabýyl jasap, saldarynan 20 adam qaza tapty, taǵy 15 azamat jaraqat aldy, dep habarlaidy katarlyq Al Jazeera telearnasy.
Zardap shekken jáne jaralanǵan azamattardyń bári – ýniversitet stýdentteri.
Munyń aldynda Kabýldaǵy ýniversitet mańynda jarylys bolǵan, keiin qarýly top oqý ornynyń zań fakýlteti janynda atys bastady. Sol ýaqytta ol mańda kitap kórmesiniń ashylý saltanaty bolyp, oǵan Iran ókilderi qatysyp jatqan bolatyn.
Málimet boiynsha, ýniversitetke aýǵan arnaiy jasaǵy jiberilgen. Qaýipsizdik kúshi oqiǵa ornynan júzdegen adamdy evakýatsiialady.
Kabýldaǵy ýniversitetke shabýyl jasaǵan áskerilerdiń biriniń kózi joiyldy. Aýǵandyq Khaama Press agenttiginiń habarlaýynsha, oqý orny aýmaǵyna qarýly úsh adam shabýyl jasaǵan.
