Dúisenbi kúni bolǵan atystan keiin Aýǵanstan astanasy Kabýldaǵy halyqaralyq áýejaida órt shyqty. Bul týraly Asharq Al-Awsat basylymy gazeti jazdy, dep habarlaidy QazAqparat.
Gazettiń derekterine qaraǵanda, Kabýl áýejaiyndaǵy órt AQSh áskeri qyzmetshileri men belgisiz adamdar arasyndaǵy atystan keiin bastalǵan. Órt pen onyń saldarynan áýejaiǵa kelgen shyǵyn týraly tolyq aqparat berilmegen.
Budan buryn AQSh armiiasynyń ortalyq qolbasshylyǵynyń ókili Ýiliam Ýrban dúisenbi kúni tańerteń Kabýl áýejaiynda bolǵan atystan AQSh pen koalitsiia áskeri zardap shekpegenin málim etken. Onyń aitýynsha, «Hamid Karzai halyqaralyq áýejaiynyń soltústik qaqpasynda bolǵan qaqtyǵys saldarynan AQSh áskeri nemese koalitsiia zardap shekpegen. Dushpandyq niettegi belgisiz bireý áýejaiǵa kirýdi baqylaityn aýǵan qaýipsizdik kúshterine oq atqan.
Ýrbannyń sózine qaraǵanda, oqiǵa saldarynan «aýǵan kúshteriniń bir ókili qaza taýyp, taǵy birnesheýi jaralanǵan. Olarǵa meditsinalyq kómek kórsetilýde, zardap shekkenderdiń jaǵdaiy turaqty.
