دٷيسەنبٸ كٷنٸ بولعان اتىستان كەيٸن اۋعانستان استاناسى كابۋلداعى حالىقارالىق ەۋەجايدا ٶرت شىقتى. بۇل تۋرالى Asharq Al-Awsat باسىلىمى گازەتٸ جازدى, دەپ حابارلايدى قازاقپارات.
گازەتتٸڭ دەرەكتەرٸنە قاراعاندا, كابۋل ەۋەجايىنداعى ٶرت اقش ەسكەري قىزمەتشٸلەرٸ مەن بەلگٸسٸز ادامدار اراسىنداعى اتىستان كەيٸن باستالعان. ٶرت پەن ونىڭ سالدارىنان ەۋەجايعا كەلگەن شىعىن تۋرالى تولىق اقپارات بەرٸلمەگەن.
بۇدان بۇرىن اقش ارميياسىنىڭ ورتالىق قولباسشىلىعىنىڭ ٶكٸلٸ ۋيليام ۋربان دٷيسەنبٸ كٷنٸ تاڭەرتەڭ كابۋل ەۋەجايىندا بولعان اتىستان اقش پەن كواليتسييا ەسكەرٸ زارداپ شەكپەگەنٸن مەلٸم ەتكەن. ونىڭ ايتۋىنشا, «حاميد كارزاي حالىقارالىق ەۋەجايىنىڭ سولتٷستٸك قاقپاسىندا بولعان قاقتىعىس سالدارىنان اقش ەسكەرٸ نەمەسە كواليتسييا زارداپ شەكپەگەن. دۇشپاندىق نيەتتەگٸ بەلگٸسٸز بٸرەۋ ەۋەجايعا كٸرۋدٸ باقىلايتىن اۋعان قاۋٸپسٸزدٸك كٷشتەرٸنە وق اتقان.
ۋرباننىڭ سٶزٸنە قاراعاندا, وقيعا سالدارىنان «اۋعان كٷشتەرٸنٸڭ بٸر ٶكٸلٸ قازا تاۋىپ, تاعى بٸرنەشەۋٸ جارالانعان. ولارعا مەديتسينالىق كٶمەك كٶرسەتٸلۋدە, زارداپ شەككەندەردٸڭ جاعدايى تۇراقتى.
