Foto: Viktor Fediýnin/ Kazinform
Astana qalasynyń kólik jáne jol-kólik infraqurylymyn damytý basqarmasy Qabanbai batyr dańǵylynyń «Juldyz» ainalymynan Máńgilik El dańǵylyna deiingi ýchaskesinde jol tósemine ortasha jóndeý jumysy júrgiziletinin habarlady.
Osyǵan bailanysty 10-15 shilde aralyǵynda joǵaryda atalǵan ýchaske ishinara jabylady.
Bul rette qozǵalys eki baǵytta da taraptardyń biri boiynsha júzege asady.
«Elorda turǵyndary men qonaqtarynan qala joldarynda keptelis bolmas úshin óz marshrýtyn aldyn ala josparlaýdy suraimyz. Ýaqytsha qolaisyzdyq úshin keshirim suraimyz jáne jol-qurylys jumysyn júrgizýge túsinistikpen qaraýdy ótinemiz» -deidi ákimdikten.
