Birneshe kún buryn Juzzefina laqap atymen tanymal bloger, ánshi Juldyz Jaýynbaeva tikelei efirde ózin týǵan ákesi zorlaǵanyn málimdegen bolatyn, dep habarlaidy ult.kz.
Turkistan.tv málimetinshe, Qostanai oblysynyń Politsiia departamenti bul fakti boiynsha tekserý júrgizip, bloger aitqan aqparattyń shyndyqqa sáikes kelmeitinin jetkizdi.
«Áleýmettik jelilerde blogerdiń qatysýymen túsirilgen beinematerialdar taralýda. Onda ol ákesiniń tarapynan bala kezinde ózine qatysty quqyqqa qarsy jynystyq is-áreketter jasalǵanyn málimdeidi. Tikelei efir barysynda boijetken balaǵat sózder aityp, ózin orynsyz ustaǵan. Atalǵan fakti boiynsha politsiia qyzmetkerleri tekserý júrgizip, týystarynan jaýap alyp, jariialanǵan materialdardy zerdeledi. Ata-anasynyń aitýynsha, beinematerialdarda keltirilgen málimetter shyndyqqa sáikes kelmeidi. Sondai-aq olar qyzdarymen uzaq ýaqyttan beri bailanys jasamaitynyn habarlaǵan. Taraptardyń barlyq ýájderi tekseriletin bolady», - delingen politsiia habarlamasynda.
Sondai-aq blogerdiń ata-anasy oǵan qarsy aryz jazǵan.
«Sonymen qatar, ata-anasynyń aryzy negizinde jalǵan aqparat taratqany úshin ákimshilik is qozǵaldy. Sondai-aq boijetken usaq buzaqylyq jasaǵany úshin jaýapkershilikke tartylady.
