Qazaqstan Ulttyq banki «Dala qazynasy» seriiasymen JETI QAZYNA monetalaryn ainalymǵa shyǵarady, dep habarlaidy "Ult aqparat".
Monetalar 100 teńgelik «uncirculated» sapamen nibrass/neizilber qospasynan daiyndalǵan. Al, kollektsiialyq monetalar 500 teńgelik altynnan, 500 teńgelik kúmisten, 5 000 teńgelik nominaly kúmisten daiyndalǵan.
200 teńgelik nominal bir blisterlik jiyntyqta turatyn melhior qospasynan daiyndalǵan jáne 100 teńgelik nominal nibrass/neizilber qospasynan daiyndalǵan, sapasy - «brilliant uncirculated».
Atalmysh monetalar «Dala qazynasy» seriiasymen shyǵarylady. Naǵyz qazaqtyń basty jeti qazynasy bolǵan: er jigit, aqyldy, sulý áiel, qumai tazy, aqyl-bilim, beren myltyq, júirik at jáne qyran búrkit. Aqyldy jar – otbasynyń berekesi, qumai tazy – ań aýlaýdaǵy serigi, beren myltyqpen urysta sátsizdikke ushyramaidy, júirik at pen qyran búrkit – jaýapty sátte kómekshi, al jan-jaqty bilim – dana sheshim qabyldaýǵa kómektesedi dep eseptelgen.
100 teńgelik bikolorly ainalystaǵy monetalar 7 túrde berilgen - «ER JIGIT», «SULÝ ÁIEL», «QUMAI TAZY», «AQYL BILIM», «BEREN MYLTYQ», «JÚIRIK AT», «QYRAN BÚRKIT».
Bul monetalar ainalymǵa tek ekinshi deńgeidegi bankter arqyly shyǵarylady. Keiin ainalymdaǵy ózge monetalarmen birge qolma-qol aqsha túrinde paidalanylady.
Monetalardyń tehnikalyq jáne naqty ólshemderi (massasy, diametri, qalyńdyǵy, metall qorytpasy) ózgerissiz saqtalǵan. Tehnikalyq sipattamasy jaǵynan olar nominaly 100 teńgelik monetaǵa uqsas. Sol sebepti «JETI QAZYNA» monetalaryn qabyldaý úshin tólem terminaldary men basqa da kassalyq tehnikany qosymsha qaita teńsheý talap etilmeidi.
100 teńgelik nominaldyń massasy – 6,45 g, diametri – 24,5 mm. Ár túrinen 500 000 dana, jalpy taralymy – 3,5 mln dana.
Altynnan, kúmisten jáne melhiordan daiyndalǵan «JETI QAZYNA» kollektsiialyq monetalary barlyq jeti dala qazynasynyń kórkem beinesin bir monetada kórsetedi.
Blisterlik jiyntyq nominaly 200 teńgelik «rroof-like» sapasymen melhior qospasynan daiyndalǵan bir kollektsiialyq monetadan jáne nominaly 100 teńgelik «brilliant uncirculated» sapasymen nibrass/neizilber qospasynan daiyndalǵan jeti bikolorly ainalystaǵy monetadan turady. Bul blisterlik jiyntyqtyń taralymy - 25 000 dana.
Kollektsiialyq monetalary:
500 teńgelik nominal «proof» sapasymen 999/1000 synamaly altynnan turady, massasy 7,78 gramm, diametri 25 mm, taralymy 1 000 dana;
5000 teńgelik nominal «proof» sapasymen 925/1000 synamaly kúmisten turady, massasy 777,5 gramm, diametri 100 mm, taralymy 250 dana;
500 teńgelik nominal «proof» sapasymen 925/1000 synamaly kúmisten jasalǵan, , massasy 31,1 gramm, diametri 38,61 mm, taralymy 3 000 dana;
200 teńgelik nominal «rroof-like» sapasymen MN 25 melhior qospasynan jasalǵan, massasy 15 gramm, diametri 33 mm, taralymy 25 000 dana.
100 teńgelik nominal «brilliant uncirculated» sapasymen nibrass/neizilber qospasynan turady, massasy 6,45 gramm, diametri 24,5 mm, ár túrinen 25 000 dana, jalpy taralymy 175 000 dana.
Altynnan jáne kúmisten daiyndalǵan monetalar kádesyilyq oramda shyǵarylady jáne Qazaqstan Ulttyq bankiniń nómirlik sapa sertifikatymen jabdyqtalǵan. «rroof-like» sapasymen melhior qospasynan jáne «brilliant uncirculated» sapasymen nibrass/neizilber qospasynan daiyndalǵan monetalar blisterlik jiyntyqta shyǵarylady.
Ainalymdaǵy kollektsiialyq jáne bikolorly monetalar Qazaqstan teńge saraiynda jasalǵan.
Baǵaly metaldardan jasalǵan jáne blisterlik jiyntyqtardaǵy kollektsiialyq monetalardy satý kúni týraly aqparat saitta jariialanady. Bul monetalardy Ulttyq banktiń barlyq aýmaqtyq filialdarynan, sondai-aq QUB internet-dúkeni arqyly satyp alýǵa bolady.
