Búgin, 28 qyrkúiekte, Tel-Avivte 94 jasqa qaraǵan shaǵynda Izraildiń burynǵy prezidenti Shimon Peres qaitys boldy, dep habarlaidy Reuters Izrail úkimetiniń resmi aqparat agenttigine silteme jasap.
Jergilikti basylymdardyń málimetinshe, sýyt habardy saiasatker sońǵy eki apta boiy qaralyp jatqan «Shiba» meditsinalyq ortalyǵynyń dárigerleri jetkizgen. Eks-prezidenttiń qazasyn onyń otbasy da rastap otyr.
Perestiń qazasyna bailanysty Izrail premer-ministri Beniamin Netaniahý men AQSh prezidenti Barak Obama kóńil aityp úlgerdi.
Shimon Peres Tel-Aviv mańyndaǵy aýrýhanaǵa 13 qyrkúiekte «insýlt» diagnozymen túsken. Keshe saiasatkerdiń jaǵdaiy kúrt nasharlap, búiregi jumys istemei qalypty.
Ol 1984 pen 1986 jyldar aralyǵyndaǵy jáne 1995 pen 1996 jyldar aralyǵyndaǵy Izraildiń toǵyzynshy jáne on ekinshi premer-ministri ári 2007 men 2014 jyldar aralyǵyndaǵy prezidenti. Saiasi mansaby 70 jylǵa sozylǵan Izrail saiasatynyń eń qart aqsaqaly.
1994 jyly Iasir Arafat jáne Itshak Rabinmen birge álem Nobel syilyǵynyń iegeri.
