بٷگٸن, 28 قىركٷيەكتە, تەل-اۆيۆتە 94 جاسقا قاراعان شاعىندا يزرايلدٸڭ بۇرىنعى پرەزيدەنتٸ شيمون پەرەس قايتىس بولدى, دەپ حابارلايدى Reuters يزرايل ٷكٸمەتٸنٸڭ رەسمي اقپارات اگەنتتٸگٸنە سٸلتەمە جاساپ.
جەرگٸلٸكتٸ باسىلىمداردىڭ مەلٸمەتٸنشە, سۋىت حاباردى ساياساتكەر سوڭعى ەكٸ اپتا بويى قارالىپ جاتقان «شيبا» مەديتسينالىق ورتالىعىنىڭ دەرٸگەرلەرٸ جەتكٸزگەن. ەكس-پرەزيدەنتتٸڭ قازاسىن ونىڭ وتباسى دا راستاپ وتىر.
پەرەستٸڭ قازاسىنا بايلانىستى يزرايل پرەمەر-مينيسترٸ بەنيامين نەتانياحۋ مەن اقش پرەزيدەنتٸ باراك وباما كٶڭٸل ايتىپ ٷلگەردٸ.
شيمون پەرەس تەل-اۆيۆ ماڭىنداعى اۋرۋحاناعا 13 قىركٷيەكتە «ينسۋلت» دياگنوزىمەن تٷسكەن. كەشە ساياساتكەردٸڭ جاعدايى كٷرت ناشارلاپ, بٷيرەگٸ جۇمىس ٸستەمەي قالىپتى.
ول 1984 پەن 1986 جىلدار ارالىعىنداعى جەنە 1995 پەن 1996 جىلدار ارالىعىنداعى يزرايلدٸڭ توعىزىنشى جەنە ون ەكٸنشٸ پرەمەر-مينيسترٸ ەرٸ 2007 مەن 2014 جىلدار ارالىعىنداعى پرەزيدەنتٸ. ساياسي مانسابى 70 جىلعا سوزىلعان يزرايل ساياساتىنىڭ ەڭ قارت اقساقالى.
1994 جىلى ياسير ارافات جەنە يتسحاك رابينمەن بٸرگە ەلەم نوبەل سىيلىعىنىڭ يەگەرٸ.
