Mohammed Salem / Reuters
Izrail men Palestina arasyndaǵy qaqtyǵys órshigen kezde qurban bolǵandar sany eki myńnan asty, - dep habarlaidy Tengrinews.kz saity The Times of Israel basylymyna silteme jasap.
Áskerilerdiń málimetinshe, palestinalyq HAMAS tobynyń Izrailge jasaǵan shabýyly saldarynan qaza tapqandar sany 1200 adamnan asqan, 3000-ǵa jýyq adam jaralanǵan, urlanǵan jáne Gaza sektoryna jetkizilgen 150-ge jýyq adamnyń taǵdyry áli belgisiz.
"Palestinalyq HAMAS lańkestik tobynyń Izrailge jasaǵan soqqysynan qaza tapqandar sany artyp keledi, sársenbi tańerteńgi jaǵdai boiynsha 1200-den asty", - delingen habarlamada.
Eldiń Densaýlyq saqtaý ministrligi málimetinshe, shabýyl kezinde 2901 adam jaralanǵan, 500-den astamy áli de aýrýhanada jatyr, onyń ishinde 26 adamnyń jaǵdaiy aýyr jáne 340 adam - qiyn jaǵdaida.
Eske sala keteiik, 7 qazanda tańerteń Izrail jappai zymyran shabýylyna ushyrady. Eldiń qorǵanys kúshteriniń málimetinshe, Izrailge eki myńnan asa zymyran atylǵan. Sonymen qatar palestinalyq HAMAS qozǵalysynyń ondaǵan jaýyngeri eldiń shekaralas aimaqtaryna kirgen.
