Izrail armiiasynyń sársenbi kúni Batys jaǵalaýyndaǵy birneshe qalalar men aýyldarda bastalǵan áskeri operatsiia kezinde bes palestinalyq kóz jumdy, dep habarlaidy QazAqparat.
Batys jaǵalaýdaǵy Djenin qalasynyń janyndaǵy Izrail áskeri kúshterimen qaqtyǵys bolyp, eki palestinalyq qaza tapty.
Bir kún buryn Ramalla men Vifleem mańyndaǵy Silvadada Izraildiń qaýipsizdik operatsiiasy kezinde taǵy úsh palestinalyq qaza tapty, dep habarlaidy WAFA palestinalyq aqparat agenttigi.
Jeke málimetter boiynsha, qaza tapqandardyń biri 20 jasta, ekinshisi 14 jasta bolǵan. Djeninde óltirilgen palestinalyqtardyń biri ótken jyly Gilboa túrmesinen qashyp, el boiynsha izdeý nátijesinde ustalǵan tutqyndardyń biri Aiman Kamajidiń aǵasy bolǵany habarlandy. TsAHAL (Izrail qorǵanys kúshteri) bul operatsiia ótken aptada Tel-Avivte bolǵan, úsh izraildiktiń ómirin qiǵan atys saldarynan boldy dep málimdedi.
Vifleemge jaqyn jerde Izrail áskeri kúshteri Ál-Hader qalasynyń meri Iasir Sbaihtyń úiine basyp kirip, onyń balasyn lańkestik áreketterge qatysy bar degen kúdikpen qamaýǵa aldy.
Ótken táýlikte Ierýsalim men Ramalla aimaǵynda lańkestik áreketke qatysy bar degen kúdikpen buryn sottalyp bosatylǵandar da ustaldy.
