Izrailde júrgizilgen zertteý kórsetkendei, Pfizer vaktsinasynyń eki dozasyn da alǵan el turǵyndary arasynda koronavirýsty juqtyrý qaýpi 95,8%-ǵa tómendegen, dep habarlaidy Izraildiń Densaýlyq saqtaý ministrligi.
Aqpan aiynda Izrail Densaýlyq saqtaý ministrliginiń epidemiologiialyq bólimi Pfizer vaktsinasynyń tiimdiligine taldaý jasady, onyń barysynda vaktsinanyń eki dozasyn alǵan adamdardaǵy jáne múlde ekpe saldyrmaǵan adamdardaǵy aýrýdyń damý qaýpin salystyryldy.
Jariialanǵan esepke sáikes, vaktsinanyń qyzbaǵa jáne tynys alýdyń kez kelgen problemalaryna qarsy tiimdiligi 98%-dy qurady. Sondai-aq, vaktsina aýrýhanaǵa jatqyzý qaýpin 98,9%-ǵa jáne ólim jaǵdaiyn 98,2%-ǵa tómendetedi. Tutastai alǵanda, koronavirýs týdyratyn aýrýdyń aýyr aǵymyn boldyrmaýda onyń tiimdiligi 99,2% dep baǵalandy.
Statistika 13 aqpanǵa deiin jinalǵan málimetterge negizdeldi, bul rette izraildikter vaktsinanyń ekinshi dozasyn 13 aqpanǵa deiin keminde eki apta buryn alǵan. Densaýlyq saqtaý ministrliginiń habarlaýynsha, zertteýge qosylǵan 1,7 millionǵa jýyq adam vaktsinanyń eki dozasyn 30 qańtarǵa deiin qabyldaǵan.
Buǵan deiin eldiń Densaýlyq saqtaý ministrliginiń bas direktory Shezi Levi Izraildiń maqsaty 2021 jyldyń 1-toqsanynyń sońyna deiin halyqtyń 60%-ǵa jýyǵyn vaktsinatsiialaý degen bolatyn.
Sońǵy málimetterge sáikes, 8,9 million izraildiktiń 4,2 milliony vaktsinanyń alǵashqy dozasyn qabyldady, al eldiń 2,8 million azamaty eki dozany da aldy.
Izrail premer-ministri Biniamin Netaniahý senbide 50-den asqan azamattardyń 95%-y aldaǵy eki apta ishinde vaktsinatsiiadan ótedi dep málimdedi.
