Izrail 1 millionnan astam adamǵa koronavirýs vaktsinasyn salyp, rekord jasady. Úshinshi ret lokdaýn engizgen bul el jappai ekpe salýdyń arqasynda shekteýlerdi alyp tastap, aqpan aiyna qarai indetti tolyq jeńýden úmittenip otyr, dep habarlaidy VVS.
Izrailde qazirdiń ózinde 100 adamǵa shaqqanda 11,5 adam ekpe salǵyzǵan. Odan keiingi oryndarda Bahrein (3,5 adam) jáne Ulybritaniia (1,5 adam) keledi.
AQSh ótken jyldyń sońyna deiin 20 million kisige vaktsina salýdy josparlaǵan, alaida ekpe tek 3 million adamǵa egildi.
Eýroodaqta vaktsina jaqynda ǵana maquldanǵandyqtan, bul jóninen jaǵdai máz emes. Germaniiada ekpe 150 myń adamǵa salynsa, basqa elderde vaktsinatsiia endi bastalyp jatyr.
Jeltoqsanda Reseide koronavirýstyń jańa túrine qarsy "Spýtnik V" vaktsinasyn salý bastalǵan. Jaqynda eldiń densaýlyq saqtaý ministri Mihail Mýrashko 800 myńǵa jýyq adamǵa ekpe salynǵanyn málimdedi. Jeltoqsannyń sońynda ǵana ol vaktsina qabyldaǵandar sany 30 myń adam degen edi. Bir jarym apta ishinde ekpe salynǵandardyń 18 ese ósýi aqparattyń rastyǵyna kúmán týǵyzýǵa negiz boldy. "Holod" basylymynyń redaktory Mihail Zelenskii jeke blogynda ministr sandardy jańsaq aityp tur degen pikir aitty.
