Izraildiń soltústiginde Haifa qalasynyń mańyndaǵy Karmel jaǵalaýyndaǵy teńiz túbinen Rimniń Ai qudaiy men shaian juldyznamasynyń belgisi beinelengen 1850 jyldyq sirek kezdesetin qola moneta tabyldy, dep habarlaidy QazAqparat agenttigi CBS News-ke silteme jasap.
Izrail arheologtary Imperator Antonin Piidiń (b.z.d. 138-161 jyldar) Aleksandriiada (qazirgi Egipet) soǵylǵan Rim dáýiriniń óte jaqsy saqtalǵan monetasyn kórsetti.
Ol on úsh moneta seriiasyna tiesili. Ár túrli Zodiak belgileri beinelengen on eki jáne barlyq belgiler toptastyrylǵan on úshinshi moneta. Monetada Rim imperiiasynda salystyrmaly tynyshtyq ornaǵan 144/145 j.j. Antonin Piidiń biliginiń segizinshi jylyn bildiretin «Segizinshi jyl» kúni beinelengen.
Teńiz arheologiiasynyń jetekshisi Djeikob Sharvit moneta basqa monetalardyń «kishigirim qazyna qoimasynan» tabylǵanyn jáne jaqyn jerde keme apaty bolǵanyn kórsetedi dep málimdedi.
Bul oljany Izraildiń kóne jádigerler basqarmasynyń nýmizmatika jónindegi sarapshysy Lior Sandberg kóne jádigerlerdi jaǵalaýdaǵy damytý jumystarynan qorǵaýǵa baǵyttalǵan teńiz zertteýi kezinde anyqtady. Mundai moneta Izrail jaǵalaýynda alǵash ret tabyldy.
