Izrail ókilderi Sýdan astanasy Hartýmǵa bardy. Bul – ótken aida taraptar qarym-qatynasty qalypqa keltirý týraly kelisimge kelgennen keiingi alǵashqy sapar, dep habarlaidy Middle East Monitor.
Dúisenbi kúni Izrail delegatsiiasy Sýdanǵa AQSh-tyń deldaldyǵymen eki eldiń biligi bir ai buryn qarym-qatynasty qalypqa keltirgený týraly kelisimge kelgennen keiin ekonomikalyq jáne gýmanitarlyq yntymaqtastyqty talqylaý úshin alǵash ret bardy.
Kelissózder barysynda Sýdanǵa aýylsharýashylyǵy, azyq-túlik qaýipsizdigi, sýmen jabdyqtaý jáne densaýlyq saqtaý salasyndaǵy kómek máseleleri qozǵaldy. Izraildik delegattar Hartýmdaǵy AQSh elshiliginiń ókilderimen de kezdesti.
«Sýdanǵa kelgen alǵashqy delegatsiianyń sońynan birneshe aptadan keiin úlken «ekonomikalyq delegatsiia» attanady. Bul yntymaqtastyq týraly kelisimge qol qoiý yqtimaldyǵyn arttyrady «, - dep atap ótti izraildik delegatsiia ókili Eli Koen.
Sýdan BAÁ men Bahreinnen keiin osy jyly Izrailmen qarym-qatynasty qalypqa keltirý týraly kelisimge qol qoiǵan úshinshi arab eli boldy. Kelisimge qol qoiylǵan kúni AQSh prezidenti Donald Tramp Kongreske Sýdandy terrorizmge demeýshi elder tiziminen shyǵarý kerek dep habarlady.
Osy ýaqytqa deiin arab elderinen tek Egipet pen Iordaniia ǵana evrei memleketimen diplomatiialyq qarym-qatynasta boldy.
Osy ýaqytta Izraildiń arab elderiniń basym kópshiligimen diplomatiialyq qarym-qatynas ornatýy Palestina ákimshiliginiń qatty aiyptaýyna sebep boldy.
