Foto: ashyq derekkóz
Izrail premer-ministri Biniamin Netaniahý Livanda atysty toqtatý týraly kelisimniń jasalǵanyn rastady. Bitim 27 qarasha kúni jergilikti ýaqyt boiynsha saǵat 04:00-de (Astana ýaqyty boiynsha 07:00) kúshine endi, dep habarlaidy Ult.kz The Times of Israel-ge silteme jasap.
Kelisim sharttaryna sáikes, kelesi 60 kún ishinde Izrail qorǵanys kúshteri (TsAHAL) Livannan kezeń-kezeńimen shyǵarylatyn bolady. Bolashaqta AQSh, Frantsiia jáne basqa elder Livan qarýly kúshterine qajetti jabdyqtar men qoldaý kórsetip, bitimniń buzylýyn boldyrmaý sharalaryn atqarady.
Netaniahý kelisimge qol jetkizýdegi róli úshin AQSh-qa alǵysyn bildirip, Izrail óz qaýipsizdigin qorǵaý quqyǵyn saqtaitynyn atap ótti. Onyń aitýynsha, eger «Hezbolla» qarýly toby shekara mańynda óz infraqurylymyn qalpyna keltirýge nemese qarýlanýǵa tyryssa, Izrail áskeri qimyldardy qaita bastaýǵa daiyn.
.jpg)