يزرايل مەن «حەزبوللا» بٸتٸمگە كەلدٸ

فوتو: اشىق دەرەككٶز

يزرايل پرەمەر-مينيسترٸ بينيامين نەتانياحۋ ليۆاندا اتىستى توقتاتۋ تۋرالى كەلٸسٸمنٸڭ جاسالعانىن راستادى. بٸتٸم 27 قاراشا كٷنٸ جەرگٸلٸكتٸ ۋاقىت بويىنشا ساعات 04:00-دە (استانا ۋاقىتى بويىنشا 07:00) كٷشٸنە ەندٸ, دەپ حابارلايدى Ult.kz The Times of Israel-گە سٸلتەمە جاساپ.

كەلٸسٸم شارتتارىنا سەيكەس, كەلەسٸ 60 كٷن ٸشٸندە يزرايل قورعانىس كٷشتەرٸ (تساحال) ليۆاننان كەزەڭ-كەزەڭٸمەن شىعارىلاتىن بولادى. بولاشاقتا اقش, فرانتسييا جەنە باسقا ەلدەر ليۆان قارۋلى كٷشتەرٸنە قاجەتتٸ جابدىقتار مەن قولداۋ كٶرسەتٸپ, بٸتٸمنٸڭ بۇزىلۋىن بولدىرماۋ شارالارىن اتقارادى.

نەتانياحۋ كەلٸسٸمگە قول جەتكٸزۋدەگٸ رٶلٸ ٷشٸن اقش-قا العىسىن بٸلدٸرٸپ, يزرايل ٶز قاۋٸپسٸزدٸگٸن قورعاۋ قۇقىعىن ساقتايتىنىن اتاپ ٶتتٸ. ونىڭ ايتۋىنشا, ەگەر «حەزبوللا» قارۋلى توبى شەكارا ماڭىندا ٶز ينفراقۇرىلىمىن قالپىنا كەلتٸرۋگە نەمەسە قارۋلانۋعا تىرىسسا, يزرايل ەسكەري قيمىلداردى قايتا باستاۋعا دايىن.