Izrail qorǵanys ministri Avigdor Liberman HAMAS uiymymen bitim jasasýǵa kelispei, otstavkaǵa ketti. Bul týraly Jerusalem Post gazeti jazdy.
Taiaýda el úkimeti HAMAS-pen soǵysty toqtatyp, bitimge kelýge ýaǵdalasqan. Palestina avtonomiiasynyń ókilderi kelisimdi Izraildiń ózi buzbaiynsha, bitim kúshinde qala beretinin málimdegen. Al Izrail áskeri biligi Gaza sektoryna áýe soqqysyn jalǵastyra berýge buiyrdy. Qorǵanys ministriniń resmi ókili Avigdor Libermannyń bitimdi qoldamaitynyn málimdedi.
Birer kún buryn Izrail Gaza sektoryndaǵy HAMAS shtab-páterine shabýyl jasaǵan. Eýropa Odaǵy aimaqtaǵy jaǵdaidyń ýshyǵýyna bailanysty alańdaitynyn bildirgen. BUU bas hatshysy Antoniý Gýterrish qaqtyǵysqa qatysy bar taraptardy barynsha ustamdy bolýǵa shaqyrǵan.
