Foto: pexels.com
Izrail armiiasy Livanǵa basyp kirgen soń BUU-nyń 15 bitimgeri jaraqat alǵan. Bul týraly Tengrinews.kz Euronews-tiń shyǵarylymyna silteme jasap habarlady.
Aita keteiik, bul oqiǵa Izrail premer-ministri Biniamin Netaniahýdyń BUU Bas hatshysy Antoniý Gýterrishke bitimgerlerdi "qaqtyǵys aimaǵynan dereý shyǵarý" týraly úndeý jasaǵannan keiin bolyp otyr.
Basylym tilshileri Qorǵanys ministrliginen qazaqstandyq bitimgerler arasynda zardap shekkender bar-jlǵyn suraǵan. Sebebi Qazaqstan 2018 jyldan beri BUU mandatyna sáikes Livanǵa óz áskerilerin jiberip keledi.
Ministrlik qazirgi ýaqytta Qazaqstannan barǵan úsh shtab ofitseri sol jerde shtattyq rejimde jumysyn jalǵastyryp jatqanyn atap ótti. Qaqtyǵystyń órshýi olardyń qyzmettik oryndarynan alys qashyqtyqta eken.
"Eger jaǵdai ýshyǵa tússe, qazaqstandyq áskeri qyzmetshilerdi evakýatsiialaý máselesi BUU Hatshylyǵy jáne missiia basshylyǵymen birlese otyryp qaralatyn bolady. Qorǵanys ministrligi olarmen turaqty bailanysta", - dep atap ótti vedomstvo ókilderi.
.jpg)