Túrkiia keshe Izmir qalasynda bolǵan lańkestik shabýyldy talqylap jatqanda, AK partiia (Úkimet basyndaǵy partiia) tún jarymynda Májilis otyrysyna úlken daý týǵyzatyn joba usyndy dep habarlaidy haberdar.com.
AKP tún jarymynda Túrkiia Respýblikasy Joǵary Májilisine bir zań jobasyn usyndy. AKP depýtattarynyń qoly qoiylyp, Májiliske usynylǵan zań jobasy boiynsha: Kyzyl ai, Ieshil ai, Darýlajeze, Darýshshafaka jáne Túrik áýe joldaryna beriletin memleketke qatysty jyljymaityn múlikter atalmysh mekemeler tarapynan ózindik qunynyń jarty baǵasyna satylatyn bolady. Zań jobasy «Mekemelerdiń mal-múlki «TÝRGEV» jáne «Ansar» sekildi qorlarǵa satyla ma?» degen suraq týǵyzdy.
Túrkiia halqy Izmir qalasyndaǵy lańkestik shabýyldy talqylap jatqan ýaqytta Májiliske usynylǵan zań jobasyna qarsylyq bildirgen Respýblikalyq halyq partiia (oppozitsiialyq partiia) depýtaty Engin Altai «Oian, Túrkiia! Tún jarymyndaǵy qaýlymen Ansarǵa jáne TÝRGEV-ke memleket múlki aýdarylaiyn dep jatyr» dep jar saldy.
Atalmysh zań jobasyna qatysty RHP depýtaty Gýlai Iedekchi de málimdeme jasady. Ol «Taǵy da AKP tún jarymyndaǵy qaýlymen keldi. Qorlar memlekettiń múlkin ózindik qunynyń jarty baǵasyna satatyn bolady» dedi. «Ańsar» jáne «Týrgev» qorlary el prezidenti Rejep Taip Erdoǵannyń uly Bilál Erdoǵanǵa tiesili. Izmir sekildi qalada terrorlyq akti oryn alyp jatqanda AKP sekildi el bileýshi partiianyń mundai áreketi oilantarlyq.
